ပုံမှန်အားဖြင့်တော့ နေရဲ့ solar flare ဖြစ်စဉ်တွေ solar storm ဖြစ်စဉ် ဟာ ၁၁ နှစ်ကို တစ်ခါ အလှည့်ကျ ဖြစ်ပေါ်တတ်ပါတယ်။

NASA မှာ နေမင်းကြီးရဲ့ လှုပ်ရှားမှုတွေ၊ နေပေါက်ကွဲမှုတွေနဲ့ ကမ္ဘာအပါအဝင် တခြားဂြိုဟ်တွေအပေါ် သက်ရောက်မှုတွေကို လေ့လာဖို့အတွက် အာကာသယာဉ်တွေ အများကြီး ရှိပါတယ်။ ဒီယာဉ်တွေဟာ နေအဖွဲ့အစည်းရဲ့ နေရာအနှံ့အပြားကနေ ပတ်လမ်းကြောင်းအမျိုးမျိုးနဲ့ လှည့်ပတ်နေကြတာပါ။

NASA နဲ့ ဥရောပအာကာသအေဂျင်စီ (ESA) တို့ ပူးပေါင်းထားတဲ့ Solar and Heliospheric Observatory (SOHO)၊ NASA ရဲ့ Solar Dynamics Observatory (SDO) နဲ့ NASA ရဲ့ Solar Terrestrial Relations Observatory (STEREO) တို့ဟာ နေပေါ်က နေပူကွက်တွေ (sunspots) နဲ့ စွမ်းအင်ထုတ်လွှတ်တဲ့ နေရာတွေ (active regions) ကို အာကာသထဲက မတူညီတဲ့ နေရာတွေကနေ စောင့်ကြည့်လေ့လာကြပါတယ်။

ဒီယာဉ်တွေဟာ Coronal Mass Ejections (CMEs) လို နေကနေ နေအဖွဲ့အစည်းထဲကို ထွက်လာတဲ့ ဓာတ်ငွေ့နဲ့ အမှုန်အမွှားတွေကိုလည်း လေ့လာပါတယ်။

တစ်ချိန်တည်းမှာပဲ NASA ရဲ့ Parker Solar Probe ကတော့ နေနဲ့ အနီးဆုံးကို ပုံမှန်ရောက်အောင် သွားပြီး နေမင်းကြီးရဲ့ အပြင်ဘက်ဆုံး လေထုအလွှာ နဲ့ Corona ဖြစ်ပေါ်တဲ့ အခါ corona ကို ဖြတ်သန်းပါတယ်။ ဒီယာဉ်ဟာ နေကနေ စွန့်ထွက်လာတဲ့ ဓာတ်ပစ္စည်းတွေကို အနီးကပ်၊ ပုံမှန် ကြည့်ရှုလေ့လာနေတာ ဖြစ်ပါတယ်။