Bitcoin ဖန်တီးရှင် ဆာတိုရှီ နာကာမိုတို ဘယ်လောက်ချမ်းသာမလဲ

Bitcoin အကြောင်း ပြောကြရင်း Crypto ကမ္ဘာကြီးကို ဖန်တီးခဲ့သူ ဆာတိုရှိ နာကာမိုတိုအကြောင်း စကားရောက်သွားတာ ကြားဖူးကြမှာပါ။

နာမည်မရှိ ၊ လိပ်စာမရှိ ၊ ကိုယ်ရေးအချက်အလက်မရှိ။ ဘယ်သူ ၊ ဘယ်အဖွဲ့အစည်းကမှန်း မသိရဘဲ Crypto လောကကြီးကို သွက်သွက်ခါ လည်စေခဲ့တဲ့သူအကြောင်းပါ။ အခုထိ နာကာမိုတို ဘယ်သူပါလို့ ဘယ်သူမှ မပြောနိုင်ပါဘူး။

Bitcoin စနစ်အကြောင်း စပြီး သီအိုရီထုတ် ကွန်ရက်တွေ ဖန်တီးပြီး ဒီငွေကြေးစနစ်အဓွန့်ရှည်ဖို့ လမ်းစဉ်တွေ ချခဲ့တဲ့ သူ ဒါမှမဟုတ် သူတို့အဖွဲ့အကြောင်းလည်း မကြားရတာ ဆယ်စုနှစ်တစ်ခုမကတော့ပါဘူး။ နာကာမိုတိုဟာ ကမ္ဘာပေါ်မှာ သက်ရှိထင်ရှား မရှိတော့တာလည်း ဖြစ်နိုင်ပါတယ်။

တကယ်လို့ နာကာမိုတိုသာ ရှိမယ်ဆိုရင် သူဟာ ကမ္ဘာပေါ်က ၁၁ ယောက်မြောက်အချမ်းသာဆုံးပုဂ္ဂိုလ် ဖြစ်မယ်လို့ ပြောနေကြပါတယ်။ Bitcoin ပေါင်း ၁.၉၆ သန်း ပိုင်တဲ့ သူ့ဓနကို ကာလပေါက်ဈေးနဲ့ တွက်ကြည့်ရင် ဒေါ်လာဘီလျံ ၁၂၀ ကျော် ရှိနေလို့ပါ။

Cryptocurrency ဈေးကွက်ရဲ့ အချိန်နဲ့အမျှ ပြောင်းနေတဲ့ ဈေးတွေအကြားမှာပဲ Bitcoin ဟာ အတက်အကျ ကြမ်းလှပါတယ်။ လောလောဆယ်ကတော့ Bitcoin က 1BTC ဒေါ်လာ ၁၁၀၀၀၀ ဝန်းကျင်မှာ အတက်အကျ ဖြစ်နေပါတယ်။