#ယနေ့ထုတ်သတင်းစာ_နိုင်ငံတကာသတင်း
◼ မြောက်ကိုရီးယား လုံခြုံရေးဝန်ကြီး ရုရှားရောက်ရှိနေ
မြောက်ကိုရီးယား လုံခြုံရေးဝန်ကြီး ရီချန်ဒေးသည် ရုရှားတွင်ကျင်းပမည့်နိုင်ငံတကာညီလာခံသို့ တက်ရောက်ရန် မော်စကိုသို့ သွားရောက်ခဲ့ကြောင်း မြောက်ကိုရီးယား အာဏာရပါတီသတင်း ဌာနက မေ ၂၇ ရက်တွင်ပြောသည်။
၎င်းသည် မေ ၂၆ ရက်တွင် ပြုံယမ်းမှထွက်ခွာခဲ့ပြီး မော်စကိုသို့ ရောက်ရှိစဉ်တွင် ရုရှားလုံခြုံရေးကောင်စီ အကြီးအကဲ ဆာဂေးရှိုဂူးနှင့် တွေ့ဆုံဆွေးနွေးဖွယ်ရှိကြောင်း အာဏာရပါတီ၏ ရိုဒေါင် ဆင်မွန်သတင်းစာက ရေးသားဖော်ပြထားသည်။
ထို့ပြင် ရုရှားတွင်ရောက်ရှိနေသော မြောက်ကိုရီးယားတပ်ဖွဲ့ဝင်များနှင့်ပတ်သက်၍လည်း ဆွေးနွေးဖွယ်ရှိသည်ဟု သတင်းများထွက်ပေါ်နေသည်။ မြောက်ကိုရီးယားနှင့် ရုရှားတို့အကြား အဆင့်မြင့် အရာရှိအဆင့်တွေ့ဆုံမှုများမကြာခဏ လုပ်ဆောင်လျက်ရှိသည်။
မြောက်ကိုရီးယားလုံခြုံရေးဝန်ကြီး၏ ရုရှားခရီးစဉ်သည် ရုရှားနှင့် မြောက်ကိုရီးယားတို့အကြား ပြီးခဲ့သည့်နှစ်ဇွန်လကရရှိခဲ့သော ဘက်စုံမဟာဗျူဟာမြောက် မိတ်ဖက်သဘောတူစာချုပ် တစ်နှစ်ပြည့် နှစ်ပတ်လည်မတိုင်မီ ထွက်ပေါ်လာခြင်းဖြစ်သည်။
ယင်းသဘောတူစာချုပ် ရယူပြီးနောက်ရုရှားနှင့် မြောက်ကိုရီးယားတို့အကြား စစ်ရေးနှင့်သံတမန်ဆက်ဆံရေးများ အားကောင်းလာခဲ့ပြီးမြောက်ကိုရီးယားက ရုရှားသို့တပ်ဖွဲ့ဝင်များစေလွှတ်ခြင်းနှင့်လက်နက်ခဲယမ်းထောက်ပံ့မှုများ လုပ်ဆောင်ခဲ့ရာ ယင်းကိစ္စအပေါ် နိုင်ငံတကာ ဝေဖန်မှုများမြင့်တက်နေသည်။
အင်န်အိတ်ချ်ကေ
