ရွှေရောင်ကြမ္မာရဲ့ လက်ဆောင်
ကံကြမ္မာကို ယုံကြည်ကြသူတွေဟာ ကံရဲ့စေစားချက်
တွေ ပြသတဲ့နိမိတ်ကြမ္မာတွေကို သက်ဝင်ကြတယ်။
အမှတ်အသားလေးတခုဟာ နှလုံးသားကို ထိမှန်လိုက်
တယ်လို့ ခံစားရတာနဲ့ သူ့အလိုကို ပစ်ပယ်နိုင်စွမ်း မရှိ
တော့ပဲ လိုက်ပါခုန်ဆင်းကြတော့တယ်။
ဖလမ်းမင်းတယောက် ဘက်တီးရီးယားပိုးသေဆုံးတာ
လေးကို မတော်တဆတွေ့ရင်း ပင်နယ်ဆလင်ကို ရှာတွေ့
ခဲ့သတဲ့။ ကမ္ဘာတည်သရွေ့ ရှင်သန်နေမယ့်လူသားတွေ
အတွက် မဟာကံကောင်းမှုကြီးတခုပေါ့။
သိပ္ပံပညာမှာတောင် serendipitous discoveries
လေးတွေဟာလည်း အရေးပါခဲ့တယ် မဟုတ်လား။
လူသားတယောက်ရဲ့ ဘဝမှာလည်း အဲ့ဒီလိုမျိုး
ရွှေရောင်ကြမ္မာရဲ့ လက်ဆောင် မရှိနေဘူးလို့ ဘယ်သူ
ပြောနိုင်မှာလဲ။
မျှော်လင့်ထားခြင်းမရှိပဲ တွေ့ဆုံရလိုက်တာ ဆုံဆည်းခွင့်
ရလိုက်တာ မဟုတ်လောက်ပါဘူးလေလို့ အကြိမ်ကြိမ်
ငြင်းပယ်နေရင်းနဲ့ပဲ နောက်ဆုံးမှာ စတင်ရာအရပ်ကိုပဲ
ရောက်ရောက်လာနေပြီဆိုရင်တော့ ဒါဟာ ကံတရားရဲ့
အချက်ပေးနိမိတ်ပဲ ဖြစ်ပါလိမ့်မယ်။ တချို့ကတော့ ဒီလို
ဖြစ်ရပ်မျိုးကို အချစ်ဆိုတဲ့ စိတ်ကူးယဉ်ခံစားလို့ အ
ကောင်းဆုံး နယ်ပယ်မှာ အလိုရှိကြလေရဲ့။
မင်းဟာဘယ်လောက်ပဲ ထွက်ပြေးနေပါစေ
အချိန်ကျတာနဲ့ သူ့အကြောင်းဖြတ်ခနဲ ဝင်လာတာမျိုး
တိုက်ဆိုင်မှုတွေဟာ တခုထက်မကပဲ သွားလေရာ
မြင်လေရာ ကြုံတွေ့လာရတာမျိုး
OCD ရနေသလိုမျိုး မလုပ်ရမနေနိုင်တော့တာ
လုပ်လိုက်ရမှ စိတ်ရဲ့ အတွေးရဲ့စေစားချက်ကို နာခံ
လိုက်ရမှ ရှေ့ဆက်ခွင့်ရသလိုမျိုး ကံကြမ္မာက
အကြိမ်ကြိမ်စေခိုင်းလာတဲ့အခါ ဆင်ခြင်တုံတရားနောက်
လိုက်မှာလား စိတ်အားထက်သန်ပြင်းပြမှုနောက် လိုက်
မှာလား။
နယူးယောက်မြို့ရဲ့ တခုသောဆောင်းရာသီမှာ
လက်အိတ်တစုံဟာ လူနှစ်ယောက်အတွက် တိတိကျ
ကျဆိုရရင် မိန်းကလေးတယောက်နဲ့ ယောကျာ်းလေးတ
ယောက် တို့အတွက် ရွှေရောင်ကြမ္မာရဲ့ လက်ဆောင်အ
နေနဲ့ ဆုံဆည်းစေခဲ့တယ်။
ကံကြမ္မာကသာ စီမံထားရိုးမှန်ရင်ဆိုတဲ့ စိန်ခေါ်မှုနဲ့အတူ
Love in the Time of Cholera ဆိုတဲ့စာအုပ်လေး
တအုပ်နဲ့ ငါးဒေါ်လာတန်ငွေစက္ကူတရွက်တို့ဟာ လူနှစ်
ယောက်ဆီကနေ ခုန်ဆင်းပြေးထွက်သွားခဲ့တယ်။ သူတို့
နဲ့အတူ လူနှစ်ယောက်ရဲ့ကံကြမ္မာကိုပါ ထည့်သယ်သွားခဲ့
တယ်။ နှစ်တွေဘယ်လောက်ဝေးဝေးကြာမလဲ။
ကံကြမ္မာကသာ သတ်မှတ်လိုက်ရင်
အကြိမ်ကြိမ်အခါခါ ပြန်ဆုံ ကြရမှာပဲဆိုရင်
အကြိမ်ကြိမ်စမ်းသပ်လဲ ဒီအတိုင်းပဲဆိုရင်
ဒါဟာ ရွှေရောင်ကြမ္မာရဲ့ လက်ဆောင်တခုပဲ ထင်ပါရဲ့။
Serendipity (2001)
