ကမ္ဘာ့မိုးသစ်တောတွေ အလျင်အမြန်ပြုန်းတီးမှု စံချိန်တင်နေ
လန်ဒန်၊ မေ -၂၁-၂၀၂၅
ရတီ(VOM)
ရာသီဥတုပြောင်းလဲမှု တိုက်ဖျက်ရေးမှာ အရေးပါတဲ့ ကမ္ဘာ့အပူပိုင်းမိုးသစ်တောတွေ အလျင်အမြန် ပျက်စီးပြုန်းတီးမှုဟာ ၂၀၂၄ ခုနှစ်အတွင်း စံချိန်တင်ခဲ့ကြောင်း သုတေသီတွေက သတိပေးထားပါတယ်။
အပူပိုင်းမိုးသစ်တောတွေဟာ ပြီးခဲ့တဲ့နှစ်အတွင်း အိုင်ယာလန်နိုင်ငံအရွယ်အစားနီးပါး နှစ်သောင်းခြောက်ထောင် စတုရန်းမိုင်အထိ ဆုံးရှုံးခဲ့တယ်လို့ ဂြိုဟ်တုပုံရိပ်အချက်အလက်တွေအရ သုတေသီတွေက ခန့်မှန်းထားပါတယ်။
မီးလောင်ကျွမ်းမှုဟာ သစ်တောပြုန်းတီးခြင်းရဲ့ အဓိကအကြောင်းရင်းဖြစ်ပြီး စံချိန်တင်မိုးခေါင်မှုတွေနဲ့ အတူ အမေဇုန်သစ်တောဟာလည်း ဆိုးရွားစွာ ထိခိုက်ခဲ့ပြီး စိုက်ပျိုးရေးလုပ်ငန်းအတွက် မြေယာတွေ အလွန်အကျွံချဲ့ထွင်လာမှုတွေကလည်း အခြားသော အကြောင်းတရားတွေဖြစ်တယ်လို့ ဆိုပါတယ်။
အရှေ့တောင်အာရှဒေသတွေမှာတော့ အစိုးရတွေက သစ်တောပြုန်းတီးမှု လျှော့ချမယ့် မူဝါဒတွေနဲ့အတူ အခြားဒေသတွေထက် အခြေအနေကောင်းမွန်တယ်လို့ သုတေသီတွေက ပြောပါတယ်။ အပူပိုင်း မိုးသစ်တောတွေဟာ သူတိုရဲ့ရဲ့ သစ်တောနဲ့ မြေဆီလွှာတွေမှာ ကာဗွန်တန်ချိန် ရာနဲ့ချီပြီး သိုလှောင်ထားကြပါတယ်။
အမေဇုန်မိုးသစ်တောလို အချို့သော သစ်တောတွေဟာ ဆက်လက်ပြုန်းမှုတွေဟာ ရပ်တန့်မရနိုင်တဲ့ အခြေအနေဖြစ်နေတယ်လို့ သုတေသီတွေက သတိပေးပါတယ်။ ပြီးခဲ့တဲ့ သီတင်းပတ်က ထုတ်ပြန်တဲ့ သီးခြားလေ့လာမှုတခုမှာတော့ ကမ္ဘာကြီးပူနွေးလာမှု ကန့်သတ်ချက် ၁ ဒဿမ ၅ ဒီဂရီစင်တီဂရိတ် ကျော်လွန်မယ်ဆိုရင် အမေဇုန်သစ်တော သိသိသာသာပြုန်းတီးနိုင်ကြောင်း သတိပေးထားပါတယ်။
ပြီးခဲ့တဲ့နှစ်မှာတော့ အယ်နီညို ရာသီဥတုဖြစ်စဉ်ကြောင့် အမေဇုန်မှာ စံချိန်တင် မိုးခေါင်ရေရှားမှုကို ကြုံခဲ့ရပါတယ်။ ဒါဟာ ဇီ၀မျိုးကွဲပေါင်းစုံနဲ့ တောရိုင်းတိရိစာ္ဆန်တွေရဲ့ အသက်ရှင်နေထိုင်မှုကိုသာမက ကမ္ဘာ့ရာသီဥတုအပေါ်လည်း ဆိုးရွားစွာ သက်ရောက်မှုတွေရှိလာမယ်လို့ သုတေသီတွေက ပြောပါတယ်။
Ref:BBC
Photo:Getty Images