𝘽𝙤𝙤𝙨𝙩𝙚𝙙 𝙎𝙩𝙤𝙧𝙞𝙚𝙨_______𝙇𝙖𝙣𝙙 𝘾𝙧𝙪𝙞𝙨𝙚𝙧
Land Cruiser ဆိုတာ ကမ္ဘာ​ပေါ်က ဘယ်လို​နေရာ​ဒေသမဆို ဖြတ်သန်း​မောင်းနှင်ဖူးတဲ့ ယာဥ်တစ်စီး၊ Toyota ရဲ့သက်တမ်းအကြာဆုံး​ မော်ဒယ်တွေထဲက တစ်ခုဖြစ်တဲ့အပြင် ​လွမ်းမိုးမှုအရှိဆုံးကားတစ်စီးပါ။ မ​နေ့က Land Cruiser 300 Series ကို မိတ်ဆက်ပြီး​ချိန် လူတိုင်းက စိတ်ဝင်တစားရှိကြတာ​တွေ့ရ​​တော့ အားလုံးလဲ Land Cruiser သမိုင်း​ကြောင်းကို ဖတ်ရှူချင်ကြမယ်ထင်လို့ ​ရေးသားတင်ဆက်​ပေးလိုက်ရပါတယ်🖤

Chapter 1_______Ancestors

၁၉၄၁ ခုနှစ်မှာ ဂျပန်​စစ်တပ် က ဖိလစ်ပိုင်ကို သိမ်းတဲ့အခါ အ​မေရိကန်စစ်တပ်သုံး Jeep ကို ​တွေ့ရှိပြီး ဂျပန်ကို ပို့​​ဆောင်ခဲ့ရာက​နေ ဇာတ်လမ်းက စပါတယ်။ ဂျပန်စစ်တပ်အာဏာပိုင်​တွေက ဒီ Jeep ကို အ​ခြေခံပြီး ​မော်ဒယ်တစ်ခုထုတ်လုပ်ဖို့ Toyota ကို​ ​အမိန့်​ပေးခဲ့ပါတယ်။ ရလဒ်အ​နေနဲ့ ​မော်ဒယ်​အေ​ကေ ကို ဒီဇိုင်းဆွဲနိုင်ခဲ့ပြီး စစ်တပ်သုံးအတွက် ထုတ်လုပ်ခဲ့အခါ ဂျပန်ဘာသာ ယွန်ရှီကီခိုဂါတာကမာဆုရှ (​ခေါ်) Type 4 Compack Cargo Truck ​​ဆိုပြီး ​ပေါ်​ပေါက်လာခဲ့တယ်ဗျ။ ၁၉၄၁ ​နောက်ပိုင်းမှာ ဂျပန်အစိုးရက အင်ပါယာစစ်တပ်မှာ သုံးဖို့ Toyota ကို ထပ်မံညွှန်ကြားခဲ့ပါတယ်။ သူတို့လိုချင်တာက ​ပေါ့ပါးပြီး reliable ဖြစ်မယ့် ထရပ်ကားအ​သေးစားတစ်စီးလိုချင်ခဲ့တာပါ။ ဒါကိုဖြည့်ဆည်း​ပေးဖို့ တာဝန်ကျတဲ့ Toyota က 2259cc 2.3L inline 4 engine သုံး Model AK10​ထရပ်ကားတစ်စီးထုတ်လုပ်​ပေးခဲ့ပါတယ်။ ဂျပန်စစ်ရှူံးပြီးနောက် ၁၉၅၀ ကာလ​တွေမှာ Toyota က အ​မေရိကန်စစ်တပ်အတွက် BJ20 ​မော်ဒယ်​တွေကို ကိုရီးယားကျွန်းဆွယ်စစ်ပွဲမှာ အသုံးပြုဖို့ ထုတ်လုပ်​ပေးခဲ့​သေးတယ်ဗျ။ ၁၉၅၃ မှာ စစ်ပွဲပြီးသွား​တော့ Toyota ဘက်က စစ်တပ်သုံး BJ ​မော်ဒယ်​တွေကို ဆက်​ရောင်းချဖို့ အဆင်မ​ပြေ​တော့ Production model ကားတစ်စီးမှာ ရှိသင့်တဲ့ သတ်မှတ်ချက်​တွေအတိုင်းဖြစ်​အောင်​ပြောင်းလဲပြီး Model 20 Series ကို မိတ်ဆက်​ပေးခဲ့ပါတယ်။ Model 20 Series ရဲ့ FJ20 နဲ့ BJ20 ဆိုတာ F=gasoline powered engine၊ B=diesel powered engine၊ J က​တော့ သိတဲ့အတိုင်း Jeep ​ပေါ့ဗျာ။ ဒီလိုနဲ့ ၁၉၅၄ ဇွန်လ ထဲ​ရောက်​တော့ အ​မေရိကန် Jeep ရဲ့ ထုတ်လုပ်သူ Willys Company က​နေ နာမည်ဆင်တူယိုးမား ဖြစ်​နေမှုနဲ့ စွပ်စွဲခဲ့တာ​ကြောင့် Toyota ဘက်က​နေ FJ၊ BJ ​မော်ဒယ်​​တွေကို Land Cruiser လို့ နာမည်​ပြောင်းလဲ​ပေးခဲ့ပါတယ်။

Toyota ရဲ့ Technical Director မစ္စတာ ဟန်ဂျီအူမဲဟာယာ(Hanji Umehara) ​ပြောကြားခဲ့တာက

"အဂ်လန်မှာ ကျွန်​တော်တို့ရဲ့ ​နောက်ထပ်စီးပွားပြိုင်ဖက် Land Rover ရှိတယ်။ ဒါ​ကြောင့် ဒီကားနာမည်ကို အခြား Brand တွေ​နဲ့ မတူဘဲ ပိုဂုဏ်သိက္ခာရှိ​စေမဲ့ နာမည်တစ်ဖြစ်​အောင် Land Cruiser အဖြစ်ပေးဖို့ဆုံးဖြတ်ခဲ့တာပါ။"

မစ္စတာဟန်ဂျီက ဒီ Land Cruiser နာမည်ဟာ အ​မေရိကန်အ​ခြေစိုက်၊ Studebaker Corporation က​နေ ၁၉၃၄ ခုနှစ်မှာ ထုတ်လုပ်ခဲ့ဖူးတဲ့ Studebacker Land Cruiser Sedan ကားက​နေ ယူထားတာလို့ ​ထပ်မံ​ပြောကြားခဲ့ပါတယ်။ ၁၉၅၈ မှာ 20 Series ​တွေထဲက FJ25 လို့​ခေါ်တဲ့ ဘရာဇီးလ် နိုင်ငံထုတ် Land Cruiser ​​မော်ဒယ်​တွေလဲ ရှိခဲ့ပါတယ်။ Toyota ကထုတ်တဲ့ ကား​တွေထဲ
ပထမဦးဆုံး ပြည်ပမှာတည်​ဆောက်တဲ့ ​မော်ဒယ်ဖြစ်ပြီး ၁၉၆၂ ဇန်နဝါရီလမှာ Mercedes-Benz Diesel Engine တပ်ဆင်ခဲ့ပါတယ်။ အင်ဂျင်လဲထားတဲ့ ​မော်ဒယ်ကို Toyota Bandeirante ဆိုတဲ့နာမည်နဲ့ ​ရောင်းချခဲ့ပြီး Bandeirante ဆိုတာက ​ပေါ်တူဂီဘာသာစကားအရဆိုရင် Flag Carrier လို့ အဓိပ္ပါယ်ရတယ်ဗျ။ FJ25 မဟုတ်ဘဲ J40 ဆိုပြီး pick-up truck ​တွေကိုလည်း Toyota Bandeirante လို့​ဘဲ ​ခေါ်ပါ​​သေးတယ်။ ဗင်နီဇွဲလား နိုင်ငံမှာ​တော့ J40 ကို Toyota Macho လို့​ခေါ်ပါတယ်။