လားရှိုးမှာ ရပ်/ကျေးအုပ်ချုပ်ရေးတွေ ပြန်လည်ပတ်ဖို့ လုပ်ဆောင်နေ
မေ ၁၉၊ ၂၀၂၅
Shy V (VOM )
နစက တပ်ဖွဲ့ ပြန်လည် ထိန်းချုပ်ထားတဲ့ လားရှိုးမှာ လတ်တလော ရပ်/ကျေးတွေ ပြန်လည်ပတ်ဖို့ လုပ်နေပြီ ဖြစ်ကြောင်း ဒေသခံတွေဆီက သိရပါတယ်။
"ရပ်ကွက် အုပ်ချုပ် ရေးရုံးကတော့ ဘယ်သူ ဘယ်ဝါ ဥက္ကဌ ဆိုတာ လောလောဆယ်ကတော့ အဟောင်းလို့ပဲ ပြောတယ်။ ဒါပေမယ့် ရပ်ကွက် ၁ ရုံးကတော့ ပိတ်ထားတာ တွေ့တယ်။ ရပ်ကွက် အုပ်ချုပ်ရေးမှူး အသစ် ပြန်ရွေးမလား၊ ဘယ်လိုလဲ ဆိုတာတော့ မသိရဘူး" လို့ ဒေသခံ အမျိုးသမီး တယောက်က ပြောပါတယ်။
ရပ်ကွက် ဥက္ကဌ အေဟာင်းရှိတဲ့ ရပ်ကွက်က ရုံးဖွင့် နေပြီဖြစ်ပေမယ့် ထောက်ခံစာတွေ ဘာတွေ ယူကြတာ မတွေ့သေးဘူးလို့ သူက ပြောပါတယ်။
"ရပ်ကွက် ၉၊ ရပ်ကွက် ၁၀၊ ရပ်ကွက် ၁၁ ကပြီးခဲ့တဲ့ တပတ်ထဲက စဖွင့်ပြီ။ ရပ်ကွက် အုပ်ချုပ်ရေးမှူးဟောင်းတွေ ပြန်ရောက်လာ သူတွေရှိတယ်။ ဆင့်ခေါ် ထားဆဲ သူတွေလည်းရှိတယ်" လို့ လားရှိုးမြို့ အခြေအနေကို စောင့်ကြည့်နေတဲ့ အမျိုးသား တယောက်က ပြောပါတယ်။
ရပ်ကျေး အုပ်ချုပ် ရေးမှူးဟောင်းတွေ ပြန်လည် ဆင့်ခေါ်လို့ ရောက်ရှိလာပြီ ဖြစ်တဲ့တချို့ ရပ်ကွက် အုပ်ချုပ်ရေးရုံးတွေကိုတော့ ပြန်လည် ဖွင့်လှစ်ထားပြီးနောက် ဧည့်စာရင်း တိုင်ကြားမှုတွေ စတင် လက်ခံ စိစစ်နေပြီလို့လည်း သူကပြောပါတယ်။
လားရှိုးမြို့ပေါ်ရှိ စာသင်ကျောင်းတေဠကိုတော့ လာမယ့် မေလ ၂၂ ရက်နေ့ ကျောင်းအပ် လက်ခံမှာ ဖြစ်ကြောင်း ဒေသခံတွေဆီက သိရပါတယ်။
ဒိနေ့ မေလ ၁၉ ရက် တနင်္လာနေ့ကစ လူဝန်မှုကြီးကြပ်ရေး (လဝက)ရုံးလည်း ပြန်လည် ဖွင့်လှစ်ပြီး ရံးလုပ်ငန်းတွေ စတင်လည်ပတ် တော့မှာ ဖြစ်ကြောင်း ဒေသခံတွေ ဆီက သိရပါတယ်။
MNDAA တပ်ဖွဲ့ရဲ့ အုပ်ချုပ်ရေး ယန္တရား လည်ပတ်နေခဲ့တဲ့ လားရှိုးမြို့ကို ပြီးခဲ့တဲ့ ဧပြီလ ၂၂ ရက်နေ့ကစ နစက တပ်ဖွဲ့က ပြန်လည် လွှဲပြောင်း ရယူခဲ့တာ ဖြစ်ပါတယ်။
