ကြက်ဟင်းခါးသီးနှပ်
ကြက်ဟင်းခါးသီးအလုံးကြီးနှစ်လုံး ကိုနှစ်ခြမ်းခွဲအစေ့လေးတွေထုပ်ပြီး အတုံးခပ်ကြီးကြီးလေးတွေလှီးထားပါတယ်
ပြီးရင်ရေဆေးသန့်စင်ပြီးရေစစ်ထားပါ
ကြက်သွန်ဖြူနီ နဲ့ငရုပ်သီးအရောင်တင်မုန့်လေးကိုရောထောင်းပုဇွန်ခြောက်လေးပါရောထောင်းပါ
ကျွန်မပုဇွန်ခြောက်ကိုအကောင်လိုက်လေးတွေလည်းထပ်ထည့်ပါတယ်
ပြီးရင်ချက်မဲ့အိုးထဲကိုကြက်ဟင်းခါးသီးတွေထည့်ထောင်းထားတာတွေထည့် နနွင်းမုန့်အနည်းငယ်
ဆားအနည်းငယ်ကြက်သားမုန့်အနည်းငယ်
သကြားလေးအနည်းငယ်နဲ့ခရုဆီထမင်းစားဇွန်းနှစ်ဇွန်းလောက်ထည့်ပြီးအားလုံးရောနယ်ပါ
ပြီးရင်ဆီထည့်ပါ ဆီပုံမှန်ထက်နည်းနည်းများပို
ထည့်ပါရှင်
ရေကိုကြက်ဟင်းခါးသီးမြုတ်အောင်ထည့်ပြီးအဖုံးလေးအုပ်ပြီးတည်ထားပါ
မီးအနေတော်လေးနဲ့ချက်ပါ
အဖုံးကိုခဏခဏဖွင့်မကြည့်ပါနဲ့အရောင်မလှပဲနူးတာလည်းကြာတတ်လို့
ရေမခမ်းခင်အပေါ်အောက်လေးတခါလောက်လှန်ပေးပါ
ကိုယ်ထည့်ထားတဲ့ရေနဲ့တခါတည်းကြက်ဟင်းခါးသီးတွေကနူးပြီးအိသွားရင်ရေထပ်မထည့်တော့ပဲဆီပြန်အောင်ချက်ပြီးရပါပြီ
တကယ်လိုမနူးသေးရင်နည်းနည်းထပ်ထည့်ပြီးဆီပြန်အောင်ချက်ပါရှင်
