▪️What is manifestation? ညှို့ငင်ခြင်းဆိုတာ ဘာလဲ..။ ညှို့ငင်ခြင်းဆိုတာ သင်ဖြစ်ချင်တဲ့အရာတွေကို ဆွဲငင်ဖန်တီးပြီး တကယ်လက်တွေ့ဖြစ်လာအောင် ပြောင်းလဲနိုင်စွမ်းကို ခေါ်ပါတယ်။
အရာအားလုံးဟာ မိမိဆီကနေ အစပြုတယ်ဆိုတာကို
ရိုးရိုးလေးသတိထားမိရုံနဲ့ ဖြစ်ချင်တာမှန်သမျှကို
ပြောဆို၊ တွေးတော၊ ခံစားပြီး လက်တွေ့ဖြစ်လာအောင်
ဖန်တီးယူနိုင်ပါတယ်။ သင့်ရဲ့ အတွင်းစိတ်စွမ်းအားကို သင်ယူမိလာတာနဲ့အမျှ ဒီအကြောင်းတွေကို ရှင်းရှင်းလင်းလင်းသိသွားအောင် ဒီစာအုပ်က ကူညီပေးမှာဖြစ်ပါတယ်။
သင်လိုချင်တဲ့အရာတွေ အမှန်တကယ်ဖြစ်လာအောင် သင့်ရဲ့စိတ်စွမ်းအင်ကို ဘယ်လိုလမ်းကြောင်းပေးရမလဲဆိုတာကိုလည်း သိလာရမှာဖြစ်ပါတယ်။ Manifesting (ညှို့ငင်ခြင်း) ဆိုတာ အရမ်းရှုပ်ထွေးတဲ့ကိစ္စ မဟုတ်ပါဘူး။
▪️ကိုယ်လိုချင်တဲ့အရာကို ညှို့ငင်တဲ့နည်းအကြောင်း
ကျွန်မသင်ယူခဲ့တုန်းက သိခဲ့ရတဲ့အရာတစ်ခုရှိတယ်။
အဲဒါက ပစ္စုပ္ပန်ရဲ့အရေးပါပုံပဲ။
“ပစ္စုပ္ပန်မှာ နေထိုင်ပါ”တို့..၊ “အခုအချိန်က အရေးအကြီးဆုံး”တို့.. အစရှိသဖြင့် လူတွေပြောလာကြတာ နှစ်ပေါင်းမနည်း ကြာပြီ။ ကျွန်မစိတ်ထဲ နက်နက်ရှိုင်းရှိုင်းပြန်မကြည့်မိခင်အထိ အဲဒါကို သေချာနားမလည်ခဲ့ဘူး။
အဲဒီလိုပြန်ကြည့်မိတော့ ကျွန်မက ညှို့ငင်တဲ့အရာတွေကို အနာဂတ်မှာ ဖြစ်နေတယ်ဆိုပြီး ယူဆမိသလိုဖြစ်နေတယ်။ ကျွန်မတို့ရဲ့ကိုယ်ပိုင်အတွေးအခေါ်ကွင်းဆက်တွေနဲ့ ယုံကြည်ချက်တွေကို သေချာမဆန်းစစ်မိတဲ့အချိန်မှာ ဖြစ်တတ်တဲ့ "တရက်ရက်ပေါ့" ဆိုတဲ့ ထောင်ချောက်ထဲ ကျွန်မလည်း ကျခဲ့ဖူးတယ်။
အဲဒါက ကျွန်မအတွက် ရိုးရိုးသားသားနဲ့ အမှန်ကို မြင်ခဲ့ရတဲ့ အခိုက်အတန့်တစ်ခုပဲ။ ကျွန်မကိုယ်ကျွန်မ အရှိအတိုင်းလက်ခံပြီး အနာဂတ်အပေါ် ကျွန်မရဲ့အမြင်ကို ပြောင်းလဲခဲ့တယ်။ ပြီးတော့ ချက်ချင်းညှို့ငင်နိုင်ဖို့ ကျွန်မရဲ့စိတ်စွမ်းအင်ကို လက်ရှိပစ္စုပ္ပန်မှာပဲ အာရုံစိုက်ထားလိုက်တယ်လေ။
▪️လက်ငင်းညှို့ငင်ချင်ရင် ကိုယ်ဖြစ်ချင်တဲ့အခြေအနေကို အခုဖြစ်နေသလိုမျိုး မြင်တတ်ဖို့လိုတယ်။
အဲဒါကို အနာဂတ်မှာ ဖြစ်နေတယ်လို့ မြင်ယောင်လိုက်ရင် သင့်စိတ်ကူးတွေ အကောင်အထည်ပေါ်လာဖို့ လောင်စာဆီတစ်မျိုးလိုဖြစ်တဲ့ သင့်ရဲ့အခုလက်ရှိ ပြင်းထန်နေတဲ့စိတ်တွန်းအားကို အသုံးမချမိသလို ဖြစ်လိမ့်မယ်။ တကယ်ဖြစ်နေပြီလို့ သိရမယ့်အစား နောက်ကျရင်ဖြစ်လာမှာပါလို့ မျှော်လင့်လိုက်သလို ဖြစ်သွားမယ်။
▪️အခုချက်ချင်းညှို့ငင်မယ်လို့ သင်ဆုံးဖြတ်ပြီးတာနဲ့ သင့်စိတ်တွင်းအခြေအနေအလိုကျ စကြဝဠာကြီးက လိုက်ပါလာပါလိမ့်မယ်။ အဲဒီတော့ အခုပဲ ကျန်းမာနေပြီလို့ ခံစားလိုက်..။ အခုပဲ ကြွယ်ဝနေပြီလို့ ခံစားလိုက်..။ အခုပဲ အောင်မြင်နေပြီလို့ ခံစားလိုက်..။ အခုပဲ လှပပြီး အချစ်ခံနေရပြီလို့ ခံစားလိုက်..။
ဖြစ်လာမှာကို စောင့်မနေနဲ့..။ တကယ်ဖြစ်နေပြီလို့ ခံစားကြည့်လိုက်..။ ဖြစ်ချင်တဲ့အရာကို ကိုယ့်စိတ်ခံစားချက်နဲ့ အပြည့်အဝ ဆက်သွယ်လိုက်..။ သင့်ရဲ့စိတ်နဲ့ ခန္ဓာကိုယ်ထဲမှာ အခု ဖြစ်နေပြီ ဆိုတဲ့ ပီတိကို ဖြည့်လိုက်ပါ ။
#စတင်ညှို့ငင်လိုက်ပါ
#maninifestnow
