ဘယ်သူ့မှာမဆို ... တစ်စုံတစ်ယောက်ဆိုပြီး လိုပါတယ် ။
စိိတ်လိုလက်ရစကားတွေပြောချင်တဲ့အခါ
ဂရုတစိုက် နားထောင်ပေးမယ့်
နားတစ်စုံမျိုးပေါ့ ...
အဆင်မပြေဘူးဆိုပြီး ၀န်ခံမိတဲ့အခါ
စိတ်ပျက်မသွားမယ့်
တစ်စုံတစ်ယောက်ပေါ့ ...
ပျော်မနေဘူးလို့ပြောတဲ့အခါ
ပျော်အောင် မနေတ်ဘူးလားဆိုပြီး အပြစ်မတင်မယ့်
တစ်စုံတစ်ယောက်ပေါ့ ...
ကျွန်တော်တို့နေတဲ့ရပ်၀န်းတွေမှာ
အခုတလော သန်မာချင်ယောင်ဆောင်ထားတဲ့ လူတွေဟာ
တစ်နေ့တစ်ခြား ပိုပိုများလာတယ်မဟုတ်လား
အဆင်ပြေရဲ့လားဆိုတဲ့ မေးခွန်းတွေကို
ဒီလိုပါပဲဆိုပြီးရောချရတဲ့ ရက်တွေဟာ
များလာတယ်
ဒီလိုနေ့ရက်တွေမှာ
သေချာပေါက်တော့ ...
ဘယ်သူ့မှာမဆို တစ်စုံတစ်ယောက်ကို လိုပါတယ်
အဲ့ဒီလူဟာ ...
ဘယ်သူဆိုတဲ့ သတ်မှတ်ချက်တွေမလိုဘူး
မိသားစု ဖြစ်ကောင်းဖြစ်မယ် ချစ်သူရည်းစားဖြစ်ရင်ဖြစ်မယ်
ဒါမှမဟုတ် ... သူငယ်ချင်းလည်းဖြစ်ကောင်းဖြစ်နေလိမ့်မယ်
ဘယ်သူမှ ရှိမနေရင် ... ကျွန်တော် ရှိနေမှာမို့
ဒီနေ့တစ်ရက် ပြီးတော့ မနက်ဖြန်တစ်ရက်မှာ
ကျေးဇူးပြုပြီးတော့ ပျော်အောင်နေပေးပါ ။
#စာရယ်ကဗျာရယ်
