Ma Dong Seok အား သုံးသပ်ခြင်း
လက်ရှိ K-Cinema ရဲ့ နာမည်ကြီးမင်းသားတွေထဲမှာ မာတောင်စွပ် လည်း အပါအဝင်ဖြစ်တယ်ဆိုတာ အားလုံးသိပြီးသားပါ။ မြန်မာနိုင်ငံမှာလည်း မာတောင်စွပ် က အတော်လူကြိုက်များပါတယ်။ ကျနော် ကိုယ်တိုင်လည်း မာတောင်စွပ် ကို ကြိုက်ပါတယ်။ ( ရုပ်ရှင်အတတ်ပညာကို တက္ကသိုလ်မှာ အကယ်ဒမစ်ကျကျ မသင်ယူခင်ကကြိုက်တာပါ အခုတော့မဟုတ်ပါဘူး။) မာတောင်စွပ် က ကိုယ်ခံပညာ နည်းပြ တစ်ဦး အဖြစ်ကနေ သရုပ်ဆောင်ဘက်ကို ကူးပြောင်းလာသူဖြစ်ပါတယ်။ ၂၀၁၀ ဝန်းကျင်ကာလတွေမှာတော့ ဇတ်ပို့၊ဇတ်ရံအနေနဲ့ပဲ ကျင်လည်ခဲ့ရတာများပါတယ်။ မာတောင်စွပ် ကို ကျနော် စသိတာ က Bad Guys ဆိုတဲ့ Series မှာဖြစ်ပါတယ်။ Channel 7 မှာလည်းထုတ်လွှင့်ခဲ့ပါတယ်။ မာတောင်စွပ် ကို နာမည်ကြီးဖြစ်စေခဲ့တာကတော့ အားလုံးသိတဲ့ Train to Busan ပေါ့။ သူ့ကို Lead Actor အနေနဲ့ နေရာခိုင်ခိုင်မာမာ ရစေခဲ့တာ က The Outlaw ပေါ့။ မာတောင်စွပ် က ရုပ်မချော၊ဝိတ်ပေါ၊သရုပ်ဆောင်မကောင်းတဲ့ သူဆိုပေမယ့်ကိုယ်ခံပညာလိုင်းဘက် က ကူးလာသူတစ်ယောက်အနေနဲ့ လက်သီး ကို ပိုင်နိုင်စွာ အသုံးချပြီး နာမည်ကြီးမင်းသားတစ်ယောက်ဖြစ်လာတာပေါ့။ The Outlaw ထွက်အပြီးမှာ ပရိုဂျူဆာတွေ ကတော့ မျက်ပြဆန်တောင်း ဆိုသလို စုတ်ချာလှတဲ့ ဇတ်လမ်း၊ဇတ်ညွှန်းတွေမှာ မာတောင်စွပ်ကြီး ကို လက်သီးတွေထိုးပြခိုင်းပြီး တောသီးပရိသတ်တွေဆီ က ငွေတွေသဲ့ယူတော့တာပဲ။ မာတောင်စွပ် ရဲ့ ပရိသတ်တွေကလည်း ဟို မင်းသမီးကြည့်ရတာနဲ့တန်တယ်ဆိုတဲ့လူတွေလိုပဲ မာတောင်စွပ်ကြီး ထိုးတာကြည့်ရတာနဲ့တင်တန်တယ်ဆိုတဲ့ ဥာဏ်ရည်မျိူးနဲ့လူတွေများတာတွေ့ရပါတယ်။ The Outlaw အပြီးမှာ မာတောင်စွပ် ကိုယ်တိုင်လည်း လက်သီးဗန်းပြပြီးပေါကားတွေနင်းရိုက်လာတာ ခုဆို ဆယ်စုနှစ် တစ်ခုပြည့်ခါနီးပါပြီ။ ဒါပေမယ့် မာတောင်စွပ် မနားသေးပါ။ Outlaw ကို ပြိုင်ကားပေါကား F&F က အမေရိကန်ဝိတ်ပေါ ဗင်နီဇယ် အထာ မသေမချင်း Sequel တွေရိုက်ပြီး ငွေချူဦးမှာပါ။ မာတောင်စွပ် ကားတွေကိုကြည့်မယ်ဆိုရင် ဘာအနှစ်သာရမှမရှိ ဖျော်ဖြေရေးအနေနဲ့ တောင် လက်ခံချင်စရာမရှိလောက်အောင် စုတ်ချာလှတာတွေ့ရပါတယ်။ ဘယ်သူနဲ့ချချ သူချည်းနိုင်နေတာပါ။ သူခံရတာဆိုလို့လည်းမတွေ့ဘူးပါ။ ကိုရီးယားယုန်လေး လို့ ပြောရပါမယ်။ မိကျောင်း ကို ဓားမကြီးနဲ့ ဘိုင်ဝမ်းချတာ ရှိပါသေးတယ်။ ပေါချက်ကကမ်းကုန်ပါပဲ။ K-Cinema မှာ မာတောင်စွပ်တို့လို သရုပ်ဆောင်မကောင်းဘဲ လက်သီးပြစားနေတဲ့သူတွေပပျောက်ပြီး တကယ်သရုပ်ဆောင်ကောင်းသူတွေနေရာရလာဖို့ကိုမျှော်လင့်မိပါတယ်။
