ရာသီစာ #သရက်သီး နှင့် သတိပြုသင့်သည်များ
သရက်သီးက အူမကြီးကင်ဆာ၊ ရင်သားကင်ဆာ နှင့် ဆီးကျိတ်ကင်ဆာတို့မဖြစ်ပေါ်လာအောင် ကာကွယ်ပေးနိုင်ကြောင်း၊ အမျိုးသားများဆီးကျိတ်(သုက်ရည်ဂလင်း) ကင်ဆာမဖြစ်လာအောင် တားဆီးပေးကြောင်း။
သွေးအတွင်းမကောင်းသည့် ကိုလက်စထရောအဆင့်ကို လျော့ကျစေကြောင်း။
မျက်စိအမြင်အာရုံကို တိုးတက်ကောင်းမွန်စေပြီးမျက်စိခြောက်သွေ့ခြင်းနှင့် ကြက်မျက်သင့်ရောဂါ၊ မျက်စိယားယံခြင်း၊ ရောင်ကိုင်းခြင်းနှင့် မျက်ကြည်လွှာရောဂါအမျိုးမျိုးတို့ကို ကာကွယ်ပေးနိုင်ကြောင်း။
ဟော်မုန်းထုတ်လုပ်မှုစနစ်ကို ကောင်းမွန်စွာ အထောက်အကူပေး၍ ကာမအားကိုတိုးပွားစေကာ သက်လုံကောင်းပြီး လန်းဆန်းပေါ့ပါးတက်ကြွစေကြောင်း။
အစာအိမ်နှင့် အူများကို သန့်စင်စေရုံသာမက အသည်းကိုလည်း ကောင်းကျိုးပြုကြောင်း။
ဦးနှောက်ထဲရှိ ဆဲလ်များကို နှိုးဆော်ပေးကာမှတ်ဉာဏ်စွမ်းပကားကို တိုးတက်စေသည့် အတွက် ကလေးငယ်များကိုလည်း သရက်သီးကျွေးပေးသင့်ကြောင်း။
ကိုယ်ဝန်ဆောင်မိခင်များ သရက်သီးနှင့်သရက်သီး ဖျော်ရည်တို့ကို သောက်သုံးပေးသင့်ကြောင်း စသည်ဖြင့် အကြံပြု ထားကြပါသည်။
မြန်မာ့ဆေးကျမ်းများ၏ အလိုအရ ညအိပ်ရာမဝင်ခင် ရေနွေးဆူဆူတွင် သရက်ရွက် ၁၀ ရွက် သို့မဟုတ် ၁၅ ရွက်ထည့်၍ အဖုံးဖုံးထားပြီး နံနက်ရောက်သောအခါ အရည်စစ်သောက်ပေးခြင်းဖြင့် ဆီးချိုရောဂါကို သက်သာလာစေနိုင်သည် ဟု ဖော်ပြထားပါသည်။
အသီးမှာသရက်ဟုဆိုသော်လည်း
တန်ဆေး၊ လွန်ဘေးဖြစ်တတ်၍ သရက်သီးကို ကြိုက်တိုင်းမစားသင့်ပေ။ သရက်သီးစားသောက်ပြီးနောက် နှလုံးရောဂါအခံ ရှိသူများက ပို၍မောလာနိုင်သည်။ ကင်ဆာရောဂါရှိသူများတွင် အကြောများ အားလုံး တင်းလာစေသည်။ နာတာရှည်သွေးကျဆေး သောက်သုံးသူများအတွက် သရက်သီးက မသင့်ပေ။ ၎င်းတို့ပြင် အူထဲကနာခြင်း၊ လည်ချောင်းနာခြင်းတို့ကိုလည်း ဖြစ်ပေါ်ခံစား ရတတ်သည်။ သရက်သီးအမျိုးမျိုးရှိသည့်အနက် အရသာအထူးချိုသော စိန်တစ်လုံးမျိုးက လူတိုင်းနှင့်မတည့်ပေ။ ဥပမာ ဆီးချို သွေးချိုရောဂါ၊ နှလုံးရောဂါ၊ ရေငတ်ဝမ်းကျရောဂါ စသည့်နာတာ ရှည်ရောဂါ အခံရှိသူများက သရက်သီးကို အထူးပင် ရှောင်ရှားသင့်သည်။ ကိုယ်ဝန်ဆောင်တချို့၌ ကိုယ်ဝန်ဆောင်ကာလမှာ ဆီးချိုပမာဏ ယာယီမြင့်တက်နေတတ်သဖြင့် ကိုယ်ဝန် ဆောင်အနေဖြင့်လည်း သရက်သီးစားသုံးခြင်းမပြုအပ်ပေ။
နောက်ထပ် သတိပြုရမည့်အချက်မှာ သရက်သီး အမှည့်ဖြစ်စေ၊ အစိမ်းဖြစ်စေ ခွဲစိတ်ပြီးနောက် ချက်ချင်းမစားဖြစ်ပါက အုပ်ဆောင်း သို့မဟုတ် ဆန်ခါအောက်တွင်သာ သိမ်းထားသင့်ပါသည်။ လူအများစုက ခွဲစိတ်ပြီး သရက်သီးများကို ရေခဲသေတ္တာထဲ သိမ်းထားလေ့ရှိရာ ထိုသို့ပြုခြင်းက လွန်စွာအန္တရာယ်များသည်။ အဘယ်ကြောင့်ဆိုသော် သရက်သီးထဲတွင် သဘာဝအလျောက် ပါရှိနေသော အစေးပူတို့သည် ရေခဲသေတ္တာထဲအအေးခံလိုက်ရာ ၎င်းင်းအစေးပူများက အသီးထဲတွင် အောင်းနေပြီး လူတို့စားသုံး လိုက်သောအခါ အစေးအခိုးတို့ အစွမ်းပြလာပြီး အကြောတက်၊ ဗိုက်အောင့်၊ လည်ချောင်းနာ၊ မျက်စိေ၀ စသည်တို့ ဖြစ်ပေါ်ခံစားရနိုင်ပါသည်။ အထူးသဖြင့် စိန်တစ်လုံး သရက်သီးက အစေးပိုများသည်။
Crd