ဂါနာနိုင်ငံမှာ လူတွေကွယ်လွန်သွားတဲ့အခါ ကွယ်လွန်သူရဲ့ ဘဝ၊ကိုယ်ရည်ကိုယ်သွေး၊ အလုပ်အကိုင် (သို့) ရည်မှန်းချက်တွေကိုဖော်ပြတဲ့အနေ နဲ့ အနုစိတ် ပြုလုပ်ကာ သူတို့အတွက် ရည်ရွယ်ပြီး ခေါင်း တွေပြုလုပ်ဖန်တီးပေးတဲ့ ဓလေ့တစ်ခုရှိပါတယ်
ဒီလိုထူးခြားပြီး လူတစ်ဦးချင်းစီအတွက် သီးသန့်ပြုလုပ်ပေးတဲ့ သစ်သားခေါင်းတွေကို ဒေသဘာသာစကားနဲ့ "abebuu adekai" လို့ ခေါ်ကြပါတယ်
သာမန်မြေမြှုပ်သင်္ဂြိုဟ်ရန် ပုံမှန်သစ်သားခေါင်းတွေအစား ဒီလိုထူးထူးဆန်း ခေါင်းတွေကို အသုံးပြုကြပါတယ် သေဆုံးသူရဲ့ အောင်မြင်မှုတွေ၊ စိတ်ဝင်စားမှုတွေ၊အိမ်မက်တွေကို ကိုယ်စားပြုတဲ့ အကြောင်းအရာတွေကို ဖော်ကျူးထားတဲ့ အနေနဲ့ ခေါင်းတွေကိုပြုလုပ်ဖန်တီးပေးကြပါတယ် ဥပမာ - ငါးဖမ်းရတာကို နှစ်သက်သူအတွက် ငါးပုံစံ၊ ကားမောင်းသမားအတွက် ကားပုံစံ စသဖြင့် ဖန်တီးထားတာမျိုးတွေပါ ဒီလိုခေါင်းတွေကိုကြည့်ပြီးတော့ သေဆုံးသူရဲ့ ဖြတ်သန်းခဲ့တဲ့ ဘဝ နဲ့ ရည်မှန်းချက်ကို သိစေနိုင်မှာပါ
ဒီဓလေ့ဟာ ဂါနာလူမျိုးတွေရဲ့ ယဉ်ကျေးမှုအမွေအနှစ်တစ်ခုဖြစ်ပြီး သေဆုံးသူကို လေးစားဂုဏ်ပြုတဲ့အနေနဲ့ ဖန်တီးထားတဲ့ ဖန်တီးမှုတစ်ခုပါ။ ဒါဟာ သေဆုံးသူကို အဓိပ္ပာယ်ရှိရှိနဲ့ အနုပညာဆန်ဆန် ဂုဏ်ပြုတဲ့ နည်းလမ်းတစ်ခုဖြစ်သလို ဂါနာနိုင်ငံရဲ့ ယဉ်ကျေးမှုအမွေအနှစ်နဲ့ တန်ဖိုးထားမှုတွေကိုလည်း ဖော်ပြနေပါတယ်။
#knowledge #ဗဟုသုတ
