ကျောက်သေတ္တာစေတီကို ဘေးကင်းစွာထားရှိနိုင်ရန် ပညာရှင်များနဲ့ တိုင်ပင်နေ
*******************
(ပြည်တွင်း) ဧပြီ ၂၄
ငလျင်လှုပ်ခတ်မှုကြောင့် ထိခိုက်မှုအနည်းငယ်ရှိခဲ့သည့် ကျောက်ဆည်မြို့က ကျောက်သေတ္တာစေတီကို ဖောက်ခွဲပစ်မည့်အစား ပညာရှင်များဖြင့်တိုင်ပင်ပြီး ဘေးကင်းစွာဆက်လက်ထားရှိနိုင်ရေး ဆောင်ရွက်နေကြောင်း သိရပါတယ်။
လက်ရှိမှာ မန္တလေးတိုင်းဝန်ကြီးချုပ်၊ ကျောက်ဆည်စီမံအုပ်ချုပ်ရေးအဖွဲ့ဝင်၊ မြန်မာနိုင်ငံအင်ဂျင်နီယာ ကောင်စီဥက္ကဋ္ဌနှင့် အဖွဲ့ဝင်များသည် ကျောက်သေတ္တာ စေတီကိုသွားရောက်ကြည့်ရူကာ ဒရုန်းဖြင့်ရိုက်ကူးမှတ်တမ်း ယူကာစောင့်ကြည့်၍ လိုအပ်သည်များ ဆက်လက်ဆောင်ရွက်နေကြောင်း သိရပါတယ်။
ဒါ့အပြင် ပညာရှင်ဒေါက်တာ ယုမောင်နှင့်အဖွဲ့ကို ဖိတ်ကြားပြီး ဆောင်ရွက်နိုင်မည့် နည်းလမ်းများကို အမြန်ဆုံးပြုလုပ်နေကြောင်း သိရပါတယ်။ ကျောက်သေတ္တာ စေတီတော်ကို နိုင်ငံတော်အကြီးအကဲ၏ လမ်းညွှန်မှုနှင့် ခိုင်ခံ့စေရေး ကျောက်တုံးအောက်ခြေမှာ Cement Grouting နည်းလမ်း၊ မြေထိန်းနံရံနှင့်သင့်လျော်မယ့် နည်းလမ်း များကို နည်းပညာရှင်၊ အတတ်ပညာရှင်များ အကြံဉာဏ်များကိုရယူပြီး ဆောင်ရွက်နေကြောင်း သိရပါတယ်။
