မင်း လုပ် နိုင် ပါ တယ်
သေချာတယ်နော် မင်းလုပ်ကိုလုပ်နိုင်တယ်
ဘဝ ရဲ့ အဆင်မပြေမှုတွေကြား ပိတ်မိနေလား❓
စိတ်ဓာတ် မကျလိုက်ပါနဲ့။
တချို့အရာတွေက ဖောက်ထွက်ဖို့ အချိန်လိုသလို။
တချို့အရာတွေက ကိုယ့်ရဲ့ သည်းခံစိတ်ရှည်မှုကို
စမ်းသပ် လိုက်တာလည်း ဖြစ်နေတတ်တယ်။
အားတင်းထားပါ မင်း လုပ်နိူင်ပါတယ်။
ကိုယ် အရမ်းမြတ်နိူးရတဲ့ လူတစ်ယောက်ကို သေကွဲ ၊
ရှင်ကွဲ ခွဲလိုက်ရလို့ အရမ်းခံစားနေရလား❓
ဘဝကို အရှုံးမပေးလိုက်ပါနဲ့
ရေစက်ဆိုတာ တစ်ဖက်တည်းက တန်ဖိုးထားရုံနဲ့
တည်မြဲနေတတ်တာ မဟုတ်သလို။
အရာအားလုံးက သူ မထားခဲ့လည်း
အချိန်တန်ရင်ကိုယ်က ထားခဲ့ရမှာချည်းပါပဲ
ဖြေပါနော်... မင်း လုပ်နိူင်ပါတယ်။
ကိုယ့်ဘဝကို စိတ်ပျက်နေလား❓
စိတ်မပျက် လိုက်ပါနဲ့။
လူဆိုတာ အရမ်း စွမ်းအားကြီးတဲ့ သတ္တဝါပါ
လူတစ်ယောက်က ကြိုးစားအားထုတ်မှု
မှန်ကန်ရင် ဘုရားတောင် ဖြစ်သွားနိူင်ပါတယ်။
ဖိနပ် မရှိတိုင်း ငိုနေရင်
ခြေထောက် မရှိတော့တဲ့ သူတွေကို အားနာလိုက်ပါ။
အထီးကျန်လွန်းလို့ စိတ်ဓာတ် ကျနေမိရင်
မိဘမဲ့ ကလေးငယ်တွေကို အားနာလိုက်ပါ။
ခံစား ရလွန်းလို့ မခံစားနိူင်ဘဲ ဖြစ်နေရင်
မသန်စွမ်းသူတွေရဲ့ ဘဝကို မျက်နှာပူလိုက်ပါ။
ကိုယ့်ဘဝကို ကိုယ်ပိုင်ချင်ရင်
ကိုယ့်ရဲ့ ဘဝကို ကိုယ်ကိုယ်တိုင်ပဲ
အကောင်းဆုံး ရုန်းထရပါလိမ့်မယ်။
ကြိုးစားပါ မင်း လုပ်နိူင်ပါတယ်။
လောကမှာ ကြီးမားလွန်းတဲ့
အရှက်ကွဲမှုကြောင့်
လူတောမတိုးရဲသလို ဖြစ်နေလား
လူဆိုတာ အမှားအယွင်း အပြစ်ကင်းစင်သူ ဆိုတာ
အရမ်းရှားပါတယ်။
အပြစ် အနာ /အဆာ အနည်းနဲ့အများပဲ ကွာခြားတာပါ။
ကိုယ့်ရဲ့ အားနည်းချက်ကို အမြဲတွေးပြီး...
ကိုယ့်ကိုယ်ကို ယုံကြည်မှု ကင်းမဲ့နေတာက
ကိုယ့်ဘဝကို အရှုံးပေးနေရုံတင်မကဘဲ။
ကိုယ့်ရဲ့ကျေးဇူးရှင် မိဘနှစ်ပါး
ကိုယ့်ကြောင့် များစွာ ထိခိုက်သွားစေနိူင်ပါတယ်။
ကိုယ့်ရဲ့စိတ်ကို အမြဲ အကျဉ်းချနေမယ့်အစား။
ကိုယ့်ရဲ့မိဘမျက်နှာကို ထောက်ထားရင်
ရုန်းထွက်ဖို့ ကြိုးစားပါတော့နော်။
လူ့ဘဝမှာ အရှက် သိက္ခာဆိုတာ
အသက်ထက် အရေးကြီးတယ်ဆိုပေမယ့်။
ရှင်လျက်နဲ့ ဘဝသေနေတာက
အရှက်ကွဲလိုက်တာထက်
ပိုဆိုးနေတတ်ပါတယ်။
ဖြစ်နိူင်ရင် မြန်မြန်ရုန်းထပြီး
ကိုယ့်အတွက် မဟုတ်ရင်တောင်မှ
ကိုယ့်မိသားစု / ကိုယ်နိုင်ငံ အတွက်
ကိုယ့်ရဲ့ ရှင်သန်မှုကို အကျိုးရှိရှိ အသုံးချပါ။
မင်း လုပ်နိူင်ပါတယ်။
သူငယ်ချင်း ဘာကိုပဲလုပ်လုပ် / ဘာတွေပဲဖြစ်ဖြစ်
ဘယ်လို အရာတွေပဲကြုံကြုံ ဘယ်လို
စိတ်ဖိစီးမှုတွေပဲ ခံစားနေရပါ့စေ။
ငါ လုပ်နိူင်ပါတယ်လို့
စိတ်ထဲက ခိုင်ခိုင်မာမာခံယူပြီး ကြိုးစားပါ...💪
မင်း ဘဝက တစ်ရက်ပြီးတစ်ရက်
တစ်နှစ်ပြီးတစ်နှစ် အများကအားကျ လေးစားလောက်တဲ့
ဘဝတစ်ခုကို ပိုင်ဆိုင်နိူင်တယ်ဆိုတာ
ဗေဒင် မေးစရာမလိုအောင် မှန်နေပါလိမ့်မယ်။
"သေချာတယ်နော် မင်းလုပ်နိုင်တယ်"
