နိုက်ဂျီးယားနိုင်ငံက ငါးဖမ်းသမားတစ်ယောက်ဟာ
ရှားပါပြီး စျေးအလွန်ကြီးတဲ့ အပြာရောင် မာလင် ( Blue Marlin ) ငါးကြီးကို ကံကောင်းထောင်းမစွာ
ဖမ်းမိခဲ့ပါတယ် ။
သူဖမ်းမိတဲ မာလင်ငါးကြီးဟာ ဒေါ်လာ ၂.၅ သန်း ( မြန်မာငွေ သိန်း ၁သောင်း ) ကျော် အထိတန်ကြေးရှိတာကို မသိဘဲ ရိုးရိုးငါးတစ်ကောင်ဘဲလို့ ထင်ပြီးတော့ သူက သူငယ်ချင်းတွေနဲ့ ချက်စားလိုက်ပါတော့တယ် ။
နောက်မှ သူဖမ်းပြီး ချက်စားလိုက်တဲ့ ငါးတန်ဖိုးကို သိပြီးတော့ ရင်ကွဲပက်လက်ဖြစ်နေရတယ်လို့သိရပါတယ် ။
အပြာရောင် မာလင် ( Blue Marlin ) ငါးတွေဟာ အရည်အတွက်အတော်နည်းတဲ့အပြင် ပင်လယ်
အနက်ပိုင်းမှာဘဲ ကျက်စားလေ့ရှိပြီးတော့ မြန်ဆန်သန်မာလွန်းတာကြောင့် ခေတ်မှီစက်ပစ္စည်းတွေတပ်ဆင်ထားတဲ့ ငါးဖမ်းသင်္ဘောတွေကသာ ဖမ်းမိနိုင်တာမျိုးဖြစ်ပါတယ် ။
အထူးသဖြင့် ဒီငါးရဲ့အသားဟာလဲ အလွန်ကောင်းတာကြောင့် ဂျပန်လူမျိုးထိပ်တန်းသူဌေးတွေဟာ သူတို့ဆူရှီလုပ်ငန်းမှာ ပြန်လည်ရောင်းချဖို့ ဒေါ်လာသန်းချီပေးပြီးတော့ လေလံစွဲ ဝယ်ယူလေ့ရှိပါတယ် ။
အပြာရောင် မာလင်ငါးတွေဟာ ငါးဖမ်း အားကစားသမားများကြားမှာလဲ အလွန်ရေပန်းစားတဲ့ ငါးတစ်မျိုးဖြစ်ပါတယ် ။ များသောအားဖြင့် ဖမ်းပြီးနောက် ပြန်လွှတ်ပေးလေ့ရှိပါတယ် ။
ဒီငါးကိုဖမ်းမိတာဟာ ငါးဖမ်း အားကစားသမားများအတွက် ဂုဏ်တက်စေပြီး ဘဝမှတ်တိုင်ဆုတံဆိပ်
အဖြစ် တန်ဖိုးထားမှုကလည်း ဒီငါးရဲ့ ဈေးကို မြင့်
တက်စေပါတယ် ။
နိုင်ငံအတော်များများမှာ ဒီငါးကို စားသုံးခွင့်မပြုဘဲ ထိန်းသိမ်းထားတဲ့အတွက် တရားဝင်ရောင်းချတင်ပို့နိုင်တဲ့နေရာတွေမှာ ဈေးနှုန်းကြီးမြင့်စွာ ပေးဝယ်ရတတ်ပါတယ် ။
