ဩစတြေးလျ ကွင်းစလန်မြောက်ပိုင်းမှာ စံချိန်တင် ရေကြီးနေ

ဆစ်ဒနီ၊ ဖေဖော်ဝါရီ ၃

ဩစတြေးလျနိုင်ငံ ကွင်းစလန်ပြည်နယ်မြောက်ပိုင်းမှာ မိုးသည်းထန်းစွာရွာသွန်းမှုကြောင့် အမျိုးသမီးတယောက်သေဆုံးပြီး လူထောင်ပေါင်းများစွာ နေအိမ်တွေကို စွန့်ခွာပြီး ဘေးလွတ်ရာကို တိမ်းရှောင်နေရပါတယ်။

ရေကြီးရေလျှံမှု ဆက်လက်ဆိုးရွားလာနိုင်တယ်လို့ အာဏာပိုင်တွေက သတိပေးထားပြီး ပြီးခဲ့တဲ့ စနေနေ့မှာတော့ အချို့နေရာတွေမှာ ရေ ၄ ပေကျော်ထိ မြင့်တက်ခဲ့တယ်လို့ အာဏာပိုင်တွေက ပြောပါတယ်။ စံချိန်တင်မိုးရွာသွန်းမှုတွေဟာ တနင်္လာနေ့ထိ ဆက်လက်ရှိနေမယ်လို့ ပြည်နယ်ဝန်ကြီးချုပ်က ပြောပါတယ်။

ဒါဟာ နှစ်ပေါင်း ၆၀ ကျော်အတွင်း ဒေသတွင်းမှာ အဆိုးရွားဆုံး စံချိန်တင် ရေလွှမ်းမိုးမှုဖြစ်တယ်လို့ မိုးလေဝသပညာရှင်တွေက ပြောပါတယ်။ တောင်းဆီဗီမြို့မှာတော့ အိမ်ခြေ ၂၀၀၀ လောက်ရေနစ်မြုပ်နိုင်တယ်လို့ အာဏာပိုင်တွေက ပြောပါတယ်။

ဆင်ခြေဖုံးရပ်ကွက် ခြောက်ခုရှိ ဒေသခံထောင်ပေါင်းများစွာကို ဘေးလွတ်ရာပြောင်းရွှေ့ဖို့ အမိန့်ထုတ်ထားပါတယ်။ အဓိကအဝေးပြေးလမ်း အစိတ်အပိုင်းတွေလည်း ပြိုကျပျက်စီးခဲ့တာကြောင့် ရေဘေးသင့်ဒေသတွေကို ကယ်ဆယ်ရေးသမားတွေ သွားရောက်ကူညီရေး အဟန့်အတားတွေ ဖြစ်နေပါတယ်။

ဒီအတောအတွင်း ကုန်တိုက်တွေမှာ စားသောက်ကုန်တွေ ပြတ်လပ်နေပြီး နေအိမ်ထောင်ပေါင်းများစွာဟာလည်း လျှပ်စစ်ဓါတ်အား ပြတ်တောက်နေပါတယ်။ ရေကြီးရေလျှံမှုကြောင့် မိကျောင်းတွေရဲ့ ဘေးအန္တရာယ်ကိုလည်း အာဏာပိုင်တွေက သတိပေးထားပါတယ်။

ကွင်းစလန်မြောက်ပိုင်းဟာ အပူပိုင်းဒေသမှာ တည်ရှိပြီး လူသေဆုံးမှုနဲ့ ထိခိုက်ပျက်စီးမှုများစွာ ဖြစ်ပေါ်စေတဲ့ ဆိုင်ကလုန်းမုန်တိုင်းတွေ၊ အခြားမုန်တို်ငးတွေနဲ့ ရေလွှမ်းမိုးမှုတွေ မကြာခဏဆိုသလို ဖြစ်ပေါ်လေ့ရှိပါတယ်။ ကမ္ဘာကြီးပူနွေးလာမှုနဲ့ သမုဒ္ဒရာတွေ အပူချိန်မြင့်တက်လာတာတွေက ပြင်းထန်တဲ့ ရာသီဥတုအခြေအနေတွေအတွက် မီးလောင်ရာလေ့ပင့် ဖြစ်စေတယ်လို့ ပညာရှင်တွေက သတိပေးထားပါတယ်။

Ref:BBC
Photo:Getty Images

#သတင်းဟင်းလေးအိုးကြီး