SoftBank နှင့် OpenAI ပူးပေါင်းပြီး ဒေတာစင်တာ ဆောက်မည်
-----------------------
နည်းပညာကုမ္ပဏီကြီးတွေဖြစ်တဲ့ SoftBank နဲ့ OpenAI တို့ ပူးပေါင်းပြီး အမေရိကန်ဒေါ်လာ ၅၀၀ ဘီလီယံ တန်ဖိုးရှိတဲ့ ဒေတာစင်တာ တည်ဆောက်တော့မှာဖြစ်တယ်လို့ Reuters သတင်းမှာ ဖော်ပြာထားပါတယ်။ အမေရိကန်ပြည်ထောင်စုမှာ AI ဒေတာစင်တာအသစ် တည်ဆောက်ပြီးနောက် OpenAI နဲ့ သဘောတူညီချက်အရ အဓိက စည်းမျဉ်းအချို့ ပြောင်းလဲကာ ရှယ်ယာတွေ၊ အုပ်ချုပ်မှုအခွင့်အရေးနဲ့ လုပ်ငန်းလည်ပတ်ထိန်းချုပ်မှု ဆိုင်ရာ အဖွဲ့အစည်းအသစ်အဖြစ် ဖွဲ့စည်းသွားမယ်လို့ ဆိုပါတယ်။
SoftBank နဲ့ OpenAI တို့ အကျိုးတူပူးပေါင်းဆောင်ရွက်မှုအတွင်း အာရပ်စော်ဘွားများ ပြည်ထောင်စုကုမ္ပဏီ MGX အပါအဝင် အခြားသော ရင်းနှီးမြှုပ်နှံသူတွေလည်း ပါဝင်မှာဖြစ်တယ်လို့ သိရပါတယ်။ သမ္မတ Donald Trump ဟာ Nvidia ချစ်ပ်ပြားတွေကို အသုံးပြုပြီး တရုတ်နဲ့ အခြား AI နည်းပညာ ပြိုင်ဘက်တွေထက် သာလွန် အောင်ဆောင်ရွက်ပြီး အမေရိကန်ပြည်ထောင်စုမှာ အဆင့်မြင့် AI နည်းပညာပိုင်းဆိုင်ရာမှာလည်း ဆက်လက် ထိန်းသိမ်းထားနိုင်ဖို့ ရည်ရွယ်ထားကြောင်း အိမ်ဖြူတော်မှာ ပြောကြားထားပါတယ်။
