သေဆုံးသွားသူကို အေးခဲထားပြီး အသက်ပြန်သွင်းမယ့် နည်းပညာ
သိပ္ပံပညာရှင်တွေက ရုပ်ရှင်တွေထဲကလို လူတွေကို အေးခဲထားပြီး အနာဂတ်မှာ အသက်ပြန်သွင်းနိုင်တဲ့ နည်းလမ်းကို စူးစမ်းလေ့လာနေပါတယ်။ အဲဒီ နည်းပညာကို Cryogenically Frozen လို့ ခေါ်ပါတယ်။
အခုတော့ အဲဒီ နည်းပညာကို ပထမဆုံး စမ်းသပ်မယ့် လူသား ပေါ်လာပါပြီ။ သူကတော့ ဩစတြေးလျနိုင်ငံ ဆစ်ဒနီမှ အမျိုးသား ဖြစ်ပြီး အသက် ၈၀ ကျော်မှာ ေ-သဆုံးသွားတာ ဖြစ်ပါတယ်။ အဲဒီလူကို အသက်ပြန်သွင်းပေးမှာက ဩစတြေးလျ ကုမ္ပဏီ Southern Cryonics ဖြစ်ပြီး ကုန်ကျစားရိတ်က ဒေါ်လာ ၁၇၀,၀၀၀ ဖြစ်ပါတယ်။
ကုမ္ပဏီက ေ-သဆုံးသွားသူရဲ့ အလောင်းကို ဆေးရုံ ကနေ အိမ်ကို ချက်ချင်း ခေါ်ဆောင်သွားကြပြီး ရေခဲနဲ့ ဖုံးအုပ်ထားပါတယ်။ အဲဒီနောက်မှာ ကုမ္ပဏီရဲ့ ပညာရှင် အဖွဲ့က ကိုယ်ခန္တာကို တည်ငြိမ်စေဖို့ ၁၀ နာရီကြာ အထူး ကုထုံးတွေနဲ့ ပြုလုပ်ခဲ့ကြပါတယ်။ နောက်ဆုံး အဆင့်အနေနဲ့ အနုတ် ၂၀၀ ဒီဂရီဆဲလ်ဆီးယပ် အပူချိန် ရှိတဲ့ ကုမ္ပဏီရဲ့ Holbrook Facility မှ အအေးခန်းထဲမှာ ထားရှိထားပါတယ်။ ဘယ်အချိန်မှာ အသက်ပြန်သွင်းမလဲ ဆိုတာကို မသိရသေးပါဘူး။
လူသေကို အသက်ပြန်သွင်းဖို့ ဆိုတာ ရုပ်ရှင်ကားတွေထဲမှာပဲ ရှိပြီး အခု နည်းပညာဟာ အောင်မြင်လာမလားဆိုတာကတော့ စောင့်ကြည့်ရမှာ ဖြစ်ပါတယ်။
