မန်ချက်စတာယူနိုက်တက်အသင်းနည်းပြ ရူဘင်အာမိုရင်အနေနဲ့ အသင်းခံစစ်ကစားသမားဟယ်ရီမက်ဂွိုင်းယားရဲ့အကျင့်စရိုက်တွေကိုထုတ်ဖော်ချီးကျူးပြောဆိုလိုက်ပြီး တခြားသော အသင်းဖော်ကစားသမားတွေဥပမာယူသင့်တဲ့ကစားသမားဖြစ်တယ်လို့ပြောဆိုလိုက်ပါတယ်။
အဆိုပါအဂ်လန်နောက်ခံကစားသမားဟာ နည်းပြအာမိုရင်ရဲ့ နောက်တန်း ၃ ယောက်တန်းကစားပုံမှာ ပုံစံကောင်းပြန်ရလာခဲ့ပြီး ဒီမတိုင်မှာတော့ ပြီးခဲ့တဲ့နွေရာသီကာလမှာအသင်းကနေလက်လွှတ်ခံရလုနီးပါးဖြစ်ခဲ့တဲ့အထိကစားပုံကျဆင်းခဲ့တာဖြစ်ပါတယ်။
သူဟာ ခေါင်းဆောင်နောက်တယောက်ဖြစ်လာပြီလို့ ကျနော်ခံစားရပါတယ်။သူ့အနေနဲ့ အသင်းရဲ့အဓိကကစားသမားဖြစ်တယ်လို့သူခံစားနေရပြီး သူ့ကိုယ်သူယုံကြည်မှုအတော်လေးရှိပါတယ်။သူ့အနေနဲ့ပုံစံကောင်းတွေဆက်လက်ပြသနေပါတယ်။
အမှန်တကယ်မှာလည်းငါတို့အနေနဲ့ ကျနော်ပြောနေတာထက်ပိုပြီး ဟယ်ရီကိုချီးကျူးရပါမယ်။နောက်ဆုံးပွဲစဉ်မှာတော့ သူ့မှာဖျားနာတဲ့ဝေဒနာရှိပြီး အသင်းကိုပွဲပြီးဆုံးအောင် အားအင်ကုန်ဆုံးတဲ့အထိကူညီပေးခဲ့ပါတယ်။ကျနော့်အနေနဲ့လည်းကစားသမားတိုင်းကိုသူ့လိုမျိုးအကျင့်စရိုက်မျိုးရှိစေချင်ပါတယ်။သူ့အနေနဲ့ နောက်တန်း ၃ ယောက်တန်းကစားပုံမှာကောင်းကောင်းကစားနိုင်ပါတယ်။
ဒီလိဂ်ပြိုင်ပွဲမှာ တည်ကန်ဘောကောင်းကောင်းကစားတာဟာအရမ်းကိုအရေးကြီးတဲ့ကိစ္စဖြစ်တယ်လို့မင်းအနေနဲ့မြင်ပါလိမ့်မယ်။ငါတို့ခံစစ်ပိုင်းကနေနောက်ဆုတ်ကစားတဲ့အချိန်မှာ ငါတို့အနေနဲ့ ဘောလုံးပေးပို့မှုတွေကြိမ်ဖန်များစွာတွေ့ရပါလိမ့်မယ်။အာဆင်နယ်အသင်းနဲ့ပွဲစဉ်မျိုးမှာဖြစ်ပါတယ်။
သူတို့အသင်းအနေနဲ့ ဘောလုံးပို့ပေးမှုတွေကြိမ်ဖန်များစွာရှိပေမဲ့ ဟယ်ရီအနေနဲ့ အဆိုပါနေရာကောင်းကောင်းကစားနိုင်အောင်စီစဉ်နိုင်ခဲ့ပါတယ်လို့အာမိုရင်ကပြောဆိုခဲ့ပါတယ်။
