ဖျားချင်သလို၊လည်ချောင်းနာသလိုဖြစ်ပါက
လည်ချောင်းနာတဲ့အခါ ဒါမှမဟုတ် ဖျားချင်သလို ခံစားနေရတဲ့အခါ လိမ္မော်သီး/ကမ္ဗလာသီးမီးကင်ကို စားပေးသင့်ပါတယ်။ လိမ္မော်သီး/ကမ္ဗလာသီးမှည့်ကို အလယ်တည့်တည့်ကနေ တုတ်ထိုးပြီး မီးဖိုပေါ်မှာ ၅ မိနစ်လောက် ကင်ပေးရပါမယ်။ အကျက်ညီလောက်ပြီလို့ ထင်တဲ့အခါ စားသုံးလို့ ရပါပြီ။
နောက်ထပ် ဆေးနည်းကောင်းလေးကတော့ ဂျင်း၊ ကြက်သွန်ဖြူ ရေနွေးကြမ်းပါပဲ။ သာမန် အအေးမိတာလောက်ကို ကုသပေးနိုင်ပြီး လည်ချောင်းနာခြင်း ကင်းဝေးစေသလို ကိုယ်အနွေးဓာတ်လေး ပေးပါတယ်။ ရေနွေးပူပူထဲမှာ ဂျင်း ၊ ကြက်သွန်ဖြူ ပါးပါးလှီးပြီးသား ထည့်ပြီး ပျားရည် တစ်ဇွန်း ထည့်လိုက်မယ်ဆိုရင် အရသာပြင်းတဲ့ ရေနွေးကြမ်းတစ်ခွက် ရပါပြီ။
လည်ချောင်းနာခြင်းကို ကင်းရှင်းစေပြီး ပိုးသတ်ပေးတဲ့ ဆေးနည်းကောင်းကတော့
အားလုံးသိကြတဲ့ ဆားပြုတ်ရည်ပါ။ ရေနွေးကြက်သီးနွေးထဲမှာ ဆားထည့်ပြီး တစ်နေ့ ၂ ကြိမ် ဆားပြုတ်ရည် ငုံပေးမယ်ဆိုရင် ခံတွင်းလည်းရှင်း လည်ချောင်းနာလည်း ပျောက်ပါတယ်။
ကိုယ်ခံအားကောင်းဖို့ ဗီတာမင် C လုံလုံလောက်လောက် စားသုံးပေးဖို့ကိုလည်း မမေ့သင့်ပါဘူး။ ပန်းဂေါ်ဖီစိမ်း ၊ဟင်းနုနွယ် ၊ ခရမ်းချဉ်သီး ၊ လိမ္မော်သီး၊နာနတ်သီး၊ ပန်းသီး၊ စတော်ဘယ်ရီ တို့ကို များများစားသုံးပေးရပါမယ်။
#crd
