၁၉၆၁ ခုနှစ် ဇန်နဝါရီ (၁)ရက်နေ့ဓါတ်ပုံပါ။ကဖီးရိုင်ရယ်တဲ့။မြို့ထဲတရုတ်တန်းဘက်ထင်တယ်။လိပ်စာအတိုင်း Google Map မှာရှာရင်‌တည်နေရာအတိအကျထွက်လိမ့်မယ်။

ဆိုင်းဘုတ်ကမဟာဗန္ဓုလလမ်းရေးထားတာတွေ့တယ်။နာမည်အဟောင်းဒါလဟိုဇီလမ်းရေးထားတာတွေ့တယ်။ဒီဓါတ်ပုံမူရင်းပိုင်ရှင်ကအမေရီးကားက Getty Images ကမ္ဘာထိပ်တန်းဓါတ်ပုံအေဂျင်စီပါ။

Getty Images Inc ဆိုတာအမေရိကန်နိုင်ငံ Seattle အခြေစိုက်တဲ့ရှားပါးဓါတ်ပုံစုဆောင်းရောင်းချတဲ့လုပ်ငန်းစုကြီးပါ။ကမ္ဘာ့ရှားပါးဓါတ်ပုံ ၈ သန်းကျော်နဲ့နာရီငါးသောင်းစာရုပ်ရှင်အပိုင်းတိုများမူပိုင်ခွင့်နဲ့သိမ်းဆည်းထားတယ်။

ဒီရှားပါးဓါတ်ပုံနဲ့ရုပ်ရှင်တိုလိုချင်သူကိုစျေးကောင်းကောင်းနဲ့ပြန်ရောင်းချတဲ့လုပ်ငန်းပါ။Getty Images ရုံးခွဲတကမ္ဘာလုံးမှာရှိတယ်။

ရှေးခေတ်ဟောင်းတန်ဘိုးကြီးဓါတ်ပုံရုပ်ရှင်ကို Digitized လုပ်ပြီးမပျက်စီးအောင်အဆင့်မြင့်သိမ်းဆည်းထားတယ်။Getty
Website မှာမှတ်ပုံတင်ပြီးလိုချင်တဲ့ဓါတ်ပုံ၊ရုပ်ရှင်ကိုအခကြေးငွေပေးဝယ်ယူနိုင်တယ်။

ပုံရိပ်ကြည်လင်ပြတ်သားမှုပေါ်မှုတည်ပြီးဓါတ်ပုံစျေးအမျိုးမျိုးရှိနိုင်ပါတယ်။HD အဆင့်ဓါတ်ပုံတပုံတန်ကြေး USD100-500 ကြားရှိတယ်။

Mark Getty နဲ့သူ့မိတ်ဆွေတစ်ယောက် Getty Images ကို ၁၉၉၅ မှာတည်ထောင်ခဲ့တာဆိုတော့သိပ်မကြာသေးဘူး။၂၀၀၃ ခုနှစ်မှာပြင်သစ်သတင်းအေဂျင်စီ AFP နဲ့ Getty အကျိုးတူပူးပေါင်းခဲ့ကြတယ်။

လူတိုင်းလက်ထဲမှာစမတ်ဖုန်းရှိပါတယ်။အချို့ဖုန်းဆိုကင်မရာအရမ်းကောင်းတဲ့ဖုန်းအမျိုးအစားပါ။ကိုယ်သံယောဇင်ရှိတဲ့ကိုယ်လူဖြစ်ခဲ့တဲ့ကိုယ့်မြို့နေရာတိုင်းကိုတတ်နိုင်သလောက်ဓါတ်ပုံမှတ်တမ်းတင်ထားစေချင်တယ်၊။တကူးတကမဟုတ်ဘူး။သွားရင်းလာရင်းပါ။

ကိုယ်နေထိုင်‌ဒေသနေရာစုံကိုဓါတ်ပုံရိုက်ပြီသိမ်းထားစေချင်တယ်။သေချာတာအခုမြင်နေရတဲ့ပုံစံကိုနှောင်အနှစ် ၂၀-၃၀ ကြာရင် (လုံးဝ)မြင်ရတော့မှာမဟုတ်ပါ။

ကိုယ်မှတ်တမ်းတင်ထားတဲ့ဓါတ်ပုံဟာ ကိုယ့်နောက်မျိုးဆက်အတွက်သမိုင်းကြောင်းအရ အရမ်းတန်ဘိုးရှိတဲ့ဓါတ်ပုံဖြစ်လာမှာ အသေအချာပါ။

Photo: Getty Image