ဩစတြေးလျမှာ ၁၆ နှစ်အောက်တွေကို လူမှုကွန်ရက်သုံးခွင့် ပိတ်မယ့်ဥပဒေ အထက်လွှတ်တော် အတည်ပြုပြီ

နိုဝင်ဘာ ၂၉

ဩစတြေးလျနိုင်ငံဟာ အသက် ၁၆ နှစ်အောက်အရွယ်တွေကို လူမှုကွန်ရက်အသုံးပြုတာကို တားမြစ်မယ့် ဥပဒေတခုကို အထက်လွှတ်တော်က အတည်ပြုလိုက်ပါတယ်။

ဒီဥပဒေဟာ နောက်တနှစ်ကျော်မှသာ အသက်ဝင်လာနိုင်ပြီး ဒီတားမြစ်ချက်နဲ့ ကန့်သတ်ချက်တွေကို လိုက်နာ အကောင်အထည်မဖော်တဲ့ နည်းပညာကုမ္ပဏီတွေအနေနဲပလည်း ဒေါ်လာ ၃၂ ဒသမ ၅ သန်းထိ ဒဏ်ရိုက်ခံရနိုင်ပါတယ်။

ဘယ်လိုလူမှုကွန်ရက်ပလက်ဖောင်းတွေကို ပိတ်ပင်မယ်ဆိုတာ ရည်ညွှန်းမထားပေမယ့် နောက်ပိုင်းမှာတော့ eSafety Commissioner ရဲ့ အကြံဉာဏ်တွေနဲ့အတူ ဆက်သွယ်ရေးဝန်ကြီးဌာနကနေ ဆုံးဖြတ်သွားမှာဖြစ်ပါတယ်။

ကန့်သတ်ချက်တွေကို အကောင်အထည်ဖော်ဖို့အတွက် အသက်စစ်ဆေးတဲ့ နည်းပညာ ပုံစံအချို့ကို အသုံးပြုမှာဖြစ်တယ်လို့ ဩစတြေးလျအစိုးရက ပြောကြားထားပေမယ့် လုပ်ငန်းစဉ်တွေကိုတော့ လာမယ့်လတွေအတွင်း စတင်စမ်းသပ်သွားမယ်လို့ ဆိုပါတယ်။

လူငယ်တွေကို ဆိုရှယ်မီဒီယာတွေရဲ့ အန္တရာယ်ကနေ ကာကွယ်ဖို့အတွက် ဒီဥပဒေလိုအပ်ကြောင်းနဲ့ မိဘတွေကလည်း ဒီကိစ္စအပေါ် တောင်းဆိုထောက်ခံမှုတွေရှိတယ်လို့ ဝန်ကြီးချုပ် အန်တိုနီအယ်လ်ဘာနီးစ်က ပြောပါတယ်။

ဒါပေမယ့် တားမြစ်ချက်ကို ဘယ်လိုလုပ်ဆောင်မယ်ဆိုတာနဲ့ ကိုယ်ရေးကိုယ်တာအချက်အလက်နဲ့ လူမှုဝန်းကျင်အပေါ် သက်ရောက်လာစေမယ့်အရာတွေအတွက် မေးခွန်းထုတ်ရမှာတွေရှိတယ်လို့ ဝေဖန်သူတွေက ဆိုပါတယ်။

ဒါပေမယ့်လည်း အသုံးပြုသူရဲ့ တည်နေရာကို ဖုံးကွယ်နိုင်ပြီး တခြားနိုင်ငံကနေ အသုံးပြုနေတဲ့ပုံမျိုးဖြစ်စေတဲ့ VPN တွေကတဆင့်ကန့်သတ်ချက်တွေကို အလွယ်တကူ ကျော်လွှားနိုင်ခြေရှိတယ်လို့လည်း ကျွမ်းကျင်သူတွေက သတိပေးထားပါတယ်။

ဒီလိုကန့်သတ်ဖို့ ကြိုးပမ်းမှုတွေဟာ ဩစတြေးလျက ပထမဆုံးမဟုတ်ဘဲ တခြားနိုင်ငံတွေကလည်း ကြိုးပမ်းမှုတွေရှိနေခဲ့ ရှိနေကြပါတယ်။ ဒါဟာကမ္ဘာလုံးဆိုင်ရာ ပြသနာဖြစ်ပြီး ဩစတြေးလျလူငယ်တွေကိုလည်း ကလေးဘ၀ သဘာ၀အတိုင်း ကြုံစေလိုတယ်လို့ ဝန်ကြီးချုပ် အယ်လ်ဘာနီးစ်က ပြောပါတယ်။

Ref:BBC
Photo:Getty Images

Credit - VOM News Agency

#သတင်းဟင်းလေးအိုးကြီး