ချင်းမိုင်တွင် ရေပြန်ကျပြီးနောက် သန့်ရှင်းရေးစတင်
-------------------
ထိုင်းနိုင်ငံမြောက်ပိုင်းက ရေကြီးမှုနဲ့ကြု့ခဲ့တဲ့ ချင်းမိုင်မြို့မှာ ရေပြန်ကျသွားတဲ့နောက် ရေဘေးအလွန် ကယ်ဆယ် ရှင်းလင်းရေး လုပ်ငန်းတွေ တနင်္လာနေ့မှာ စတင်ပြုလုပ်နေပါတယ်။ ပင်းမြစ်ကို ဖြတ်ကူးတဲ့ တံတား (၃)စင်း အနီး တစ်ဝိုက်မှာ သောင်တင်ပိတ်ဆို့နေတဲ့ အမိုက်သရိုက်တွေကို ရှင်းလင်း ဖယ်ရှားတာတွေ ဆောင်ရွက်နေတဲ့ ကယ် ဆယ်ရေးလုပ်သားတွေကို ကူညီပံ့ပိုးဖို့ ကုန်ကားတွေနဲ့ ရေသယ်ကားတွေကိုလည်း တာဝန်ရှိသူတွေက စေလွှတ် ထားပါတယ်။
ရေတင်နေသေးတဲ့ တချို့နေရာတွေက နေအိမ်တွေမှာ ပိတ်မိနေသူတွေအတွက် စားစာရာ နဲ့သောက်ရေသန့်ကို ကယ်ဆယ်ရေးအဖွဲ့က လိုက်လံပေးဝေနေပါတယ်။ ချင်းမိုင်မြူနီစီပယ်က ချန်ခလန်၊ ချာရွန် ပရာသက် လမ်းမကြီး တွေ အပါအဝင် အဓိက လမ်းမကြီး (၇)ခုကို ပိတ်ထားရဆဲဖြစ်ကြောင်း ယာဉ်မောင်းတွေကို အသိပေးထားပါ တယ်။
ပင်းမြစ်ရေရဲ့ ရေအမှတ်ဟာလည်း ဆက်လက်ကျဆင်းနေပြီး တနင်္လာနေ့ မနက် ဒေသ စံတော်ချိန် (၁၀)နာရီ ဝန်းကျင်မှာ ၃ ဒသမ ၈၅ မီတာမှာ ရှိနေတယ်လို့ နာအိုဝါရက် တံတားရဲ့ မြစ်ရေစောင့်ကြည့် တိုင်းထွာရေး အချက် အလက်က ဖော်ပြပါတယ်။ အဲဒီပင်းမြစ်ရေးဟာ ပြီးခဲ့တဲ့ စနေနေ့ ညပိုင်းက (၅)မီတာ ကျော်လွန်ရောက်ရှိခဲ့တဲ့ အတွက် ချင်းမိုင်မှာ ဒုတိယအကြိမ် ရေကြီးမှုနဲ့ ထပ်ကြုံခဲ့ရပါတယ်။
