စီရော်နယ်လ်ဒိုဟာ အသင်းရဲ့မျှော်လင့်ချက်တွေကို ပျက်ပြားစေခဲ့တယ်လို့ တန်ဟက်ဂ် ဖွင့်ဟ
မန်ယူနိုက်တက်အသင်းနည်းပြဟောင်း တန်ဟက်ဂ်က စီရော်နယ်လ်ဒိုဟာ အသင်းရဲ့မျှော်လင့်ချက်တွေကို ပျက်ပြားစေခဲ့တယ်လို့ ဖွင့်ဟခဲ့ပါတယ်။
တန်ဟက်ဂ်ဟာ မန်ယူနိုက်တက်အသင်းကို ကိုင်တွယ်ချိန်မှာ စီရော်နယ်လ်ဒိုနဲ့ ဆက်ဆံရေးအဆင်မပြေဖြစ်ခဲ့တယ်လို့ သတင်းထွက်ခဲ့သူပါ။
၎င်းဟာ မန်ယူနိုက်တက်အသင်းကို ၂၀၂၂ ခုနှစ်မှာ စတင်ကိုင်တွယ်ခဲ့ပြီး ၂၀၂၄ ခုနှစ်မှာ ရာထူးက ထုတ်ပယ်ခံခဲ့ရပါတယ်။
စီရော်နယ်လ်ဒိုဟာ မန်ယူနိုက်တက်အသင်းမှာ ၂၀၀၃ ကနေ ၂၀၀၉ ခုနှစ်အထိ ကစားခဲ့ပြီး ၂၀၂၁ ခုနှစ်မှာ အသင်းကို တစ်ကျော့ပြန်လာခဲ့တာပါ။
ဒါပေမဲ့ အသင်းကို ပြန်ရောက်အပြီး တစ်နှစ်ကျော်အကြာမှာ အသင်းတာဝန်ရှိသူတွေကို ဝေဖန်ခဲ့လို့ နှစ်ဦးသဘောတူ စာချုပ်ဖျက်သိမ်းခဲ့ပါတယ်။
The Athletic နဲ့ အင်တာဗျူးမှာ တန်ဟက်ဂ်က စီရော်နယ်လ်ဒိုဟာ အသင်းလေ့ကျင့်ရေးအစီအစဉ်တွေကို ပျက်ကွက်ခဲ့တယ်လို့ ပြောခဲ့ပါတယ်။
ဒါ့အပြင် ၎င်းက စီရော်နယ်လ်ဒိုအနေနဲ့ လေ့ကျင့်ခန်းတွေမှာ လိုအပ်တဲ့နှလုံးခုန်နှုန်းအဆင့်အထိ ရောက်ရှိအောင် မကြိုးပမ်းခဲ့ဘူးလို့ ဖွင့်ဟခဲ့ပါတယ်။
