မမြရေလှောင်တမံ၏ မြေသားတမံပုံစံနောက်ဘက်တွင် အမြင့်(၁၀)ပေခန့် ရေစစ်ကျောက်ရိုး(Rock Toe)ထည့်သွင်းတည်ဆောက်နေ
တမံအိလျောကျမှုဖြစ်ပွားခဲ့သည့် ဧရာဝတီတိုင်း၊ မြန်အောင်မြို့နယ်ရှိ မမြရေလှောင်တမံ၏ မြေသားတမံပုံ စံနောက်ဘက်တွင် အမြင့်(၁၀)ပေခန့် ရေစစ်ကျောက် ရိုး(Rock Toe)ထည့်သွင်းတည်ဆောက်ရန်ဆောင်ရွက်လျက်ရှိကြောင်း သိရသည်။
မမြရေလှောင်တမံကာကွယ်ထိန်းသိမ်းမှုများကို လူအင် အား၊ စက်ယန္တရားအင်အားများဖြင့်ဆောင်ရွက်လျက်ရှိရာ အလျား(၅၅၀)ပေ၊ အောက်ခြေပျှမ်းမျှအကျယ် (၂၆)ပေ၊ ထိပ်ဝအကျယ်(၆)ပေ၊ ပျှမ်းမျှအမြင့်(၁၀)ပေရှိ ရေစစ်ကျောက်ရိုး(Rock Toe)ကို ထည့်သွင်းတည် ဆောက်ရန်ဆောင်ရွက်လျက်ရှိခြင်းဖြစ်ကြောင်း သိရသည်။
ထို့ပြင် တမံအောက်ပိုင်းအိလျောကျမှုအားကာကွယ်ထိန်းသိမ်းနိုင်ရန် တမံအောက်ခြေဆင်ခြေလျော၏ အ ပြင်ဘက်မှမြေသားတမံပုံစံ တမံအောက်ခြေထောက်ခြင်းအား မြေတူးစက်(၄)စီး၊ မြေထိုးစက်(၃)စီး၊ မြေသယ်ယာဉ်(၇)စီးတို့ဖြင့်ဆောင်ရွက်လျက်ရှိကြောင်း သိရသည်။
ထို့အတူ တမံရေအမြန်ဆုံးလျှော့ချနိုင်ရေးအတွက် တ မံရေထုတ်ပြွန်မှ (၄၀၀)ကုဗပေ/စက္ကန့် ရေလျှော့ချနေသကဲ့သို့ အရေးပေါ်ရေပိုလွှဲအား မူလနိမ့်မြင့်မှတ် ရေအမှတ် (၃၂၀)ပေမှ အောက်တိုဘာ ၁၃ ရက်တွင် (၃၀၅) ပေသို့ မြေတူးစက်(၂)စီးဖြင့် ဆက်လက်နှိမ့်ချ၍ (၅၀၀) ကုဗပေ/စက္ကန့် ထပ်မံလျှော့ချလျက်ရှိကြောင်း သိရသည်။
