မက်ဆီ ရွေးချယ်တဲ့ အနာဂတ်ကြယ်ပွင့်ဘောလုံးသမား (၁၀)ဦးစာရင်းမှာ အာဆင်နယ်ကစားသမား မက်စ်ဒေါမန်း ပါဝင်
အာဂျင်တီးနားဂန္ထဝင်တိုက်စစ်မှူး မက်ဆီရွေးချယ်တဲ့ အနာဂတ်ကြယ်ပွင့်ဘောလုံးသမား(၁၀)ဦးစာရင်းမှာ အာဆင်နယ်ကစားသမား မက်စ်ဒေါမန်းလည်း ပါဝင်ခဲ့ကြောင်း သိရပါတယ်။
မက်ဆီက Adidas ရဲ့ ကြော်ငြာအစီအစဉ်တစ်ခုအတွက် အခုလို ရွေးချယ်ခဲ့ခြင်းဖြစ်ပြီး အသက်(၂၁)နှစ်အောက် ကစားသမား(၁၀)ဦး ရွေးချယ်ရာမှာ အမျိုးသား(၇)ဦးနဲ့ အမျိုးသမီး(၃)ဦး ပါဝင်ခဲ့ကြောင်းလည်း သိရပါတယ်။
မက်ဆီရွေးချယ်ခဲ့တဲ့ အမျိုးသားကစားသမား(၇)ဦးက မက်စ်ဒေါမန်း(အာဆင်နယ်၊ အင်္ဂလန်)၊ တိုမတ်စ်အာရန်ဒါ(ဘိုကာဂျူနီယာ၊ အာဂျင်တီးနား)၊ ကန်အူဇန်(ဖရန့်ဖတ်၊ တူရကီ)၊ ဂီလ်ဘာတိုမိုရာ(တီဂျူအာနာ၊ မက္ကဆီကို)၊ ဇာဗီယာဂိုဇို(ခရစ္စတယ်ပဲလေ့စ်၊ အမေရိကန်)၊ ဂျီးဆပ်စ်ရိုဒရီဂွက်ဇ်(ကိုမို၊ စပိန်)၊ ကီးစ်စမစ်(AZ အယ်လ်ခမာ၊ နယ်သာလန်)တို့ ဖြစ်ပါတယ်။
အမျိုးသမီးကစားသမား(၃)ဦးကတော့ ခလိုးဆာဝီ(ချယ်လ်ဆီး၊ အင်္ဂလန်)၊ ဂျီယိုဗန်နာဝက်စ်မန်း(လိုင်ယွန်၊ ဘရာဇီးလ်)၊ လော့တာဘရီဒါ(ဟမ်းဘတ်၊ ဂျာမနီ)တို့ ဖြစ်ပါတယ်။
မက်ဆီ ရွေးချယ်ခဲ့တဲ့ ကစားသမားတွေထဲမှာ မက်စ်ဒေါမန်းက အသက်အငယ်ဆုံးဖြစ်ခဲ့ကြောင်းလည်း သိရပါတယ်။
လာမယ့် ဒီဇင်ဘာမှာမှ အသက်(၁၇)နှစ်ပြည့်မယ့် မက်စ်ဒေါမန်းဟာ ပရီးမီးယားလိဂ်မှာ အသက်အငယ်ဆုံးဂိုးသွင်းသူ၊ ပရီးမီးယားလိဂ်ချန်ပီယံဆုကို အသက်အငယ်ဆုံးရရှိသူ၊ ချန်ပီယံလိဂ်ပြိုင်ပွဲမှာ အသက်အငယ်ဆုံးကစားခွင့်ရသူဆိုတဲ့ ကမ္ဘာ့စံချိန်မှတ်တမ်း(၃)ခုကို ပိုင်ဆိုင်ထားသူလည်း ဖြစ်ပါတယ်။
