တောင်ကြီးတန်ဆောင်တိုင် ရိုးရာမီးပုံးပျံပြိုင်ပွဲတွင် မီးပုံးပျံ ၅၄၁ လုံး ဝင်ရောက်ယှဉ်ပြိုင်မည်
၂၀၂၆ ခုနှစ် တောင်ကြီးမြို့ တန်ဆောင်တိုင်ပွဲတော်အတွင်း ကျင်းပမည့် ရိုးရာမီးပုံးပျံပြိုင်ပွဲအတွက် လက်ခံရရှိထားသော အပိတ်စာရင်းများအရ မီးပုံးပျံ စုစုပေါင်း ၅၄၁ လုံး ပါဝင်ယှဉ်ပြိုင်မည်ဖြစ်ကြောင်း ရိုးရာမီးပုံးပျံပြိုင်ပွဲ သတင်းနှင့်ပြန်ကြားရေးအဖွဲ့ထံမှ သိရသည်။
အဆိုပါ မီးပုံးပျံများအနက် ညလွှတ်မီးပုံးပျံပြိုင်ပွဲတွင် ညမီးကြီး ၆၇ လုံးနှင့် စိန်နားပန် ၃၉ လုံး၊ စုစုပေါင်း ၁၀၆ လုံး ပါဝင်မည်ဖြစ်သည်။
ထို့ပြင် နေ့လွှတ်အရုပ်မီးပုံးပျံပြိုင်ပွဲတွင် ခြေနှစ်ချောင်းအမျိုးအစား ၂၂၉ လုံး၊ ခြေလေးချောင်းအမျိုးအစား ၁၃၃ လုံးနှင့် အရုပ်အုပ်စု ၇၃ လုံး၊ စုစုပေါင်း ၄၃၅ လုံး ပါဝင်ယှဉ်ပြိုင်မည်ဖြစ်ကြောင်း သိရသည်။
ထို့ကြောင့် ၂၀၂၆ ခုနှစ် တောင်ကြီးတန်ဆောင်တိုင် ရိုးရာမီးပုံးပျံပြိုင်ပွဲတွင် ညလွှတ်မီးပုံးပျံ ၁၀၆ လုံးနှင့် နေ့လွှတ်အရုပ်မီးပုံးပျံ ၄၃၅ လုံးအပါအဝင် မီးပုံးပျံ စုစုပေါင်း ၅၄၁ လုံး ဝင်ရောက်ယှဉ်ပြိုင်သွားမည်ဖြစ်သည်။
၂၀၂၆ ခုနှစ် ရိုးရာမီးပုံးပျံပြိုင်ပွဲကို တောင်ကြီးမြို့ရှိ အဝေရာမီးပုံးပျံကွင်းကြီး၌ နိုဝင်ဘာ ၁၈ ရက်မှ ၂၄ ရက်အထိ ကျင်းပပြုလုပ်သွားမည်ဖြစ်ပြီး နိုဝင်ဘာ ၂၅ ရက်တွင် ဆုပေးပွဲအခမ်းအနားကို ဆက်လက်ကျင်းပပြုလုပ်သွားမည်ဖြစ်ကြောင်း သိရသည်။
အဆိုပါ ရိုးရာမီးပုံးပျံပြိုင်ပွဲကို ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းနှင့် ရိုးရာမီးပုံးပျံပြိုင်ပွဲ ကျင်းပရေးလုပ်ငန်းကော်မတီတို့က ပူးပေါင်းကျင်းပခြင်းဖြစ်ကြောင်း သိရသည်။
ဓာတ်ပုံ- ရိုးရာမီးပုံးပျံပြိုင်ပွဲ သတင်းနှင့်ပြန်ကြားရေးအဖွဲ
