တီမောနဲ့ပွဲမှာ ရခဲ့တဲ့ဒဏ်ရာကြောင့် မြန်မာ့လက်ရွေးစင် ကွင်းလယ်ကစားသမား လွင်မိုးအောင် ကာလကြာရှည် အနားယူရမယ်
၂၀၂၆ ဖီဖာအာဆီယံဖလား Challenge Division ပြိုင်ပွဲဝင် မြန်မာ့လက်ရွေးစင်အသင်းရဲ့ ကွင်းလယ်ကစားသမားဖြစ်သူ လွင်မိုးအောင်ဟာ တီမောအသင်းကို အနိုင်ရတဲ့ပွဲမှာ ရရှိခဲ့တဲ့ ဒဏ်ရာကြောင့် ကာလကြာရှည်အနားယူရတော့မှာပါ။
လွင်မိုးအောင်ရဲ့ ဒဏ်ရာကို စက်တင်ဘာ (၂၅) ရက်က ဟောင်ကောင်မြို့ရှိ ဆေးရုံမှာ MRI ရိုက် စစ်ဆေးခဲ့ရာ ဒဏ်ရာ အခြေအနေမှာ ပြင်းထန်တာကြောင့် ခွဲစိတ်ကုသမှု ခံယူရတော့မယ်လို့ သိရပါတယ်။
ခွဲစိတ်ကုသမှု ခံယူပြီးပါက လွင်မိုးအောင်အနေနဲ့ အနည်းဆုံး ၉ လဝန်းကျင် အနားယူရဖွယ်ရှိနေကြောင်း သိရပါတယ်။
လက်ရှိ မြန်မာနိုင်ငံဘောလုံးအဖွဲ့ချုပ် (MFF) ဟာ လွင်မိုးအောင်ရဲ့ ဒဏ်ရာကို ခွဲစိတ်ကုသရန်အတွက် စီစဥ်ဆောင်ရွက်နေပြီဖြစ်ကြောင်းလည်း သိရပါတယ်။
Photos: MFF
Like
Comment
Share
