ချယ်လ်ဆီးအနေနဲ့ ထိန်းမနိုင်သိမ်းမရဖြစ်ခဲ့တယ်လို့ အလွန်ဆို ဝန်ခံ
ချယ်လ်ဆီးအသင်းနည်းပြ ရှာဘီအလွန်ဆိုက ဘရန့်ဖို့ဒ်ကို ဝ-၃ ဂိုးနဲ့ အရေးနိမ့်တဲ့ပွဲအပြီးမှာ သူ့အသင်းဟာ ထိန်းမနိုင်သိမ်းမရဖြစ်ခဲ့တယ်လို့ ဝန်ခံခဲ့ပါတယ်။
ဘရန့်ဖို့ဒ်အသင်းဟာ အန်သိုနီ၊ အီဂေါသီယာဂို၊ ကာဗယ်လ်ညိုတို့ ဒုတိယပိုင်းဂိုးတွေနဲ့ ဂိုးပြတ်အနိုင်ရခဲ့တာပါ။
ချယ်လ်ဆီးအသင်းအနေနဲ့ အာဆင်နယ်ကိုရှုံး၊ ဟားလ်စီးတီးကို သရေကျပြီးနောက် ပရီးမီးယားလိဂ်သုံးပွဲဆက် နိုင်ပွဲပျောက်ခဲ့ရပါတယ်။
''ဒုတိယပိုင်းမှာ လိုအပ်တဲ့ တစ်သမတ်တည်းရှိမှု၊ ပြိုင်ပွဲဝင်စိတ်ဓာတ်တွေ လျော့ကျသွားတယ်လို့ပဲ ကျွန်တော် ပြောပါရစေ။ အချက်အလက်အသေးလေးကအစ အဆုံးအဖြတ်ပေးနိုင်ဆိုတာ သိမှာပါ။ အခုလိုပွဲတွေမှာ ပြိုင်ဘက်ကို
အခွင့်အရေးပေးလို့ မရပါဘူး။ ပွဲတစ်ပွဲဟာ ၉၅ မိနစ်လောက် ကစားရပြီး ရာသီအစပိုင်း ဒီလိုပွဲအနည်းငယ်မှာ Level အဆင့်တစ်ခုကို ပွဲချိန်ပြည့် မထိန်းထားနိုင်ပါဘူး။ ဒါက ကျွန်တော်တို့အနေနဲ့ ပိုကောင်းအောင်လုပ်ရမယ့်
အရာလည်း ဖြစ်ပါတယ်''လို့ အလွန်ဆိုက ပြောခဲ့ပါတယ်။
ချယ်လ်ဆီးအသင်းခေါင်းဆောင် ကော်ဝဲလ်ကလည်း Set-piece မှာ မိမိတို့ Bully လုပ်ခံခဲ့ရတယ်လို့ ဖွင့်ဟခဲ့ပါတယ်။
နည်းပြ အလွန်ဆိုကလည်း ကော်ဝဲလ်ရဲ့ပြောစကားကို သဘောတူခဲ့ပါတယ်။
