ကလပ်ကစားသမားဘ၀ ပထမဆုံးဟက်ထရစ်နဲ့ အိုလီဆေး
ဘိုင်ယန်မြူးနစ်တောင်ပံကစားသမား အိုလီဆေးက အူန်ယွန်းဘာလင်ကို ၇-၀ ဂိုးနဲ့ အနိုင်ရတဲ့ပွဲမှာ ကလပ်ကစားသမားဘ၀ ပထမဆုံးဟက်ထရစ် သွင်းယူခဲ့ပါတယ်။
အိုလီဆေးဟာ ၄၃၊ ၇၃၊ ၇၆ မိနစ်တွေမှာ ဟက်ထရစ်သွင်းခဲ့ပြီး ဟာရီကိန်းရဲ့ဒုတိယဂိုးကိုလည်း ဖန်တီးပေးခဲ့ပါတယ်။
၎င်းအနေနဲ့ ဂိုးကန်ချက် ခြောက်ကြိမ်၊ ဖန်တီးမှု နှစ်ကြိမ်ကနေ အခုမှတ်တမ်းတွေ ရရှိခဲ့တာပါ။
ဒါ့အပြင် အခုပွဲမှာ ဘောလုံးထိချက် ၁၀၆ ကြိမ်နဲ့ အောင်မြင်တဲ့ ဖြတ်ကျော်နိုင်မှု ငါးကြိမ် ရှိခဲ့ပါတယ်။
အိုလီဆေးဟာ ကစားသမားဘ၀ ဒုတိယမြောက် ဟက်ထရစ်ကို ရယူနိုင်ခဲ့တာလည်းဖြစ်တယ်။
ပထမဆုံးဟက်ထရစ်ကတော့ ပြင်သစ်လက်ရွေးစင်အသင်းနဲ့ ရရှိခဲ့တာဖြစ်ပြီး ဇွန်လ ၆ ရက်က မြောက်အိုင်ယာလန်ဘက်ကို သွင်းခဲ့တာပါ။
ဘိုင်ယန်အသင်းနည်းပြ ကွန်ပနီကတော့ ပွဲအပြီးမှာ ဟက်ထရစ်ရှင် အိုလီဆေးကို ချီးကျူးစကားဆိုခဲ့ပါတယ်။
