ဇီဒန်းရဲ့ ပြင်သစ်အသင်းလူစာရင်းမှာ မျက်နှာသစ်ကစားသမား ငါးဦးပါဝင်
ပြင်သစ်အသင်းနည်းပြ ဇီဒန်း ထုတ်ပြန်ခဲ့တဲ့ အသင်းလူစာရင်းမှာ မျက်နှာသစ်ကစားသမား ငါးဦး ပါဝင်လာခဲ့ပါတယ်။
ရန်းစ်တိုက်စစ်မှူး ဒီပါလ်၊ လီဗာပူးလ်နောက်ခံလူ ယက်ကေး၊ ကိုမိုကွင်းလယ်လူ ဒါကူညာ၊ အင်တာမီလန်ကွင်းလယ်လူ အန်ဒီဂျူ့ဖ်နဲ့ တူးလူးဂိုးသမား ရက်စတေးစ်တို့ကို ရွေးချယ်ခဲ့တာဖြစ်တယ်။
''သူတို့ဟာ ဒီရွေးချယ်မှုနဲ့ ထိုက်တန်တဲ့ ကစားသမားတွေလို့ ကျွန်တော် မြင်ပါတယ်''လို့ ဇီဒန်းက ပြောခဲ့ပါတယ်။
ဒါ့အပြင် ဇီဒန်းက မျက်နှာသစ်ကစားသမား ငါးဦးနဲ့ပတ်သက်ပြီး ချီးကျူးစကား ဆိုခဲ့ပါတယ်။
၎င်းက ဘန်ဇီမာ(၃၈ နှစ်)၊ ကွန်တေ(၃၅ နှစ်)တို့ကို အသက်အရွယ်ကြောင့် မရွေးချယ်တော့ဘူးလို့ အတည်ပြုခဲ့ပါတယ်။
ပြင်သစ်အသင်းဟာ စက်တင်ဘာ ၂၅ ရက်မှာ တူရကီ၊ ၂၈ ရက်မှာ ဘယ်လ်ဂျီယံအသင်းတွေနဲ့ အဝေးကွင်းကစားပြီး အောက်တိုဘာ ၂ ရက်မှာ အီတလီ၊ ၅ ရက်မှာ ဘယ်လ်ဂျီယံအသင်းတွေနဲ့ အိမ်ကွင်းကစားရမှာဖြစ်ပါတယ်။
