လူ ၂၄၃ ဦးပါ အင်ဒိုနီးရှားခရီးသည်တင်သင်္ဘော ဂျာဗားပင်လယ်ပြင်တွင် ပျေ-ာက်ဆုံး

ခရီးသည်နှင့် သင်္ဘောအမှုထမ်း စုစုပေါင်း ၂၄၃ ဦး လိုက်ပါသွားသည့် အင်ဒိုနီးရှားခရီးသည်တင်သင်္ဘောတစ်စင်းသည် တနင်္ဂနွေနေ့တွင် ဂျာဗားပင်လယ်ပြင်၌ ဆက်သွယ်မှုပြ-တ်တေ-ာက်ကာ ပျေ-ာက်ဆုံးနေကြောင်း Kompas သတင်းဌာန၏ ဖော်ပြချက်အရ သိရသည်။
အရှေ့ဂျာဗားပြည်နယ် ဆူရာဘာယာမြို့မှ ဘန်ဂျာမာစင်မြို့သို့ ခုတ်မောင်းလာသည့် Virgo Transport 8 သင်္ဘောသည် အလယ်ပိုင်းအင်ဒိုနီးရှားစံတော်ချိန် နံနက် ၂ နာရီခန့်တွင် ဆက်သွယ်မှုပြ-တ်တေ-ာက်သွားခဲ့ခြင်းဖြစ်သည်။
ဘန်ဂျာမာစင်မြို့ရှိ ရှာဖွေကယ်ဆယ်ရေးရုံးအကြီးအကဲ အိုင်ပူတူ ဆူဒါယန်နာက ဆက်သွယ်မှုပြ-တ်တေ-ာက်ပြီး နှစ်နာရီခန့်အကြာတွင် အရေးပေါ်သတင်းပို့ချက် လက်ခံရရှိခဲ့ပြီး ပူးပေါင်းရှာဖွေကယ်ဆယ်ရေးအဖွဲ့ကို အခင်းဖြစ်ရာဒေသသို့ ချက်ချင်းစေလွှတ်ခဲ့ကြောင်း ပြောကြားသည်။
နောက်ဆုံးရရှိထားသည့် သတင်းအချက်အလက်များအရ သင်္ဘောသည် ဘန်ဂျာမာစင်မြို့ရှိ Basirih ရှာဖွေကယ်ဆယ်ရေးဆိပ်ကမ်း (SAR Dock) မှ ရေမိုင် ၈၀ ခန့်အကွာ ဂျာဗားပင်လယ်ပြင်အတွင်း ဆိုးရွားသည့် မိုးလေဝသအခြေအနေနှင့် ရင်ဆိုင်ခဲ့ရကြောင်း ဆူဒါယန်နာက ထုတ်ပြန်ထားသည်။
ပျောက်ဆုံးနေသည့် သင်္ဘောနှင့် လိုက်ပါသွားသူများကို ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိသည်။