ချန်ပီယံလိဂ် (၁၆)ပွဲဆက် ပွဲချိန်အတွင်းရှုံးပွဲမရှိကစားနိုင်ခဲ့တဲ့အာဆင်နယ်
ပရီးမီးယားလိဂ်ထိပ်သီးကလပ် အာဆင်နယ်အသင်းအနေနဲ့ မိနစ် (၉၀) ပွဲချိန်အတွင်းချန်ပီယံလိဂ် (၁၆)ပွဲဆက်ရှုံးပွဲမရှိကစားနိုင်ခဲ့ပြီး အသင်းသမိုင်းတစ်လျှောက်စံချိန်သစ်ကို ရယူနိုင်ခဲ့ပါတယ်။
(၃၆)သင်းပုံစံနဲ့ ပြောင်းလဲကျင်းပတဲ့ ချန်ပီယံလိဂ်ပြိုင်ပွဲမှာ အာဆင်နယ်အသင်းဟာ ရှုံးပွဲမရှိ ပွဲအများဆုံးဆက်တိုက်ကစားနိုင်တဲ့ အသင်းအနေနဲ့လည်း မှတ်တမ်းဝင်နေပါတယ်။
အာဆင်နယ်အသင်းဟာ ပြီးခဲ့တဲ့ ၂၀၂၅-၂၆ ရာသီက စတင်ရေတွက်ပါက ချန်ပီယံလိဂ်ပြိုင်ပွဲမှာ Clean Sheets အများဆုံးရယူနိုင်တဲ့အသင်းအဖြစ်မှတ်တမ်းဝင်ခဲ့ပြီး (၁၀)ပွဲအထိ ပေးဂိုးမရှိအောင်ကစားနိုင်ခဲ့တာပါ။
ဒါ့အပြင် အာဆင်နယ်အသင်းခေါင်းဆောင် အော်ဒီဂါအနေနဲ့လည်း ပြီးခဲ့တဲ့ရာသီအတွင်း ပြိုင်ပွဲစုံမှာ (၁)ဂိုးသာသွင်းနိုင်ခဲ့ပေမဲ့ အခု ၂၀၂၆-၂၇ ရာသီ (၅)ပွဲကစားထားရာမှာ (၄)ဂိုးအထိသွင်းယူထားပါတယ်။
အာဆင်နယ်အသင်းဟာ အခုရာသီချန်ပီယံလိဂ်ပြိုင်ပွဲမှာ ချန်ပီယံဆုအတွက် ရေပန်းအစားဆုံးအသင်းအဖြစ် ရပ်တည်နေပါတယ်။
