ရေကြည်တွင် ရေဘေးသင့်အိမ်ထောင်စု(၃၀၀)ကျော်အတွက် အသုံးအဆောင်နှင့် စားကုန်များ ကြက်ခြေနီအသင်းက ထောက်ပံ
မြန်မာနိုင်ငံကြက်ခြေနီအသင်းသည် ရေကြီးရေလျှံမှုများ ဖြစ်ပွားလျှက်ရှိသော ဧရာဝတီတိုင်းဒေသကြီးအတွင်းရှိ မြို့နယ်များမှ အိမ်ထောင်စုများအား လူသားချင်းစာနာထောက်ထားခြင်းဆိုင်ရာ အကူအညီများ ပေးအပ်လျက်ရှိကြောင်း သိရသည်။
ပြီးခဲ့သည့် စက်တင်ဘာလ (၇)ရက်နှင့်(၈)ရက်နေ့က ရေကြည်မြို့နယ်အတွင်းရှိ ရေဘေးသင့်အိမ်ထောင်စုများအတွက် အသုံးအဆောင်ပစ္စည်းများကို ကြက်ခြေနီစေတနာလုပ်အားရှင်များက သွားရောက် ထောက်ပံ့ပေးခဲ့ကြောင်း သိရသည်။
ထိုသို့ထောက်ပံ့ရာတွင် ရေကြည်မြို့နယ် လှေတော်ရုံကျေးရွာ၊ သပြေခါးတောကျေးရွာ၊ အကြော်ကိုင်းကျေးရွာ၊ အကယ်ကြီးကြို့ကုန်းကျေးရွာ ၊ ကုန်းတန်းကျေးရွာကျေးရွာများမှ ရေဘေးသင့် အိမ်ထောင်စုပေါင်း(၃၁၂)စုမှ လူဦးရေပေါင်း(၉၅၀)ဦး အတွက် တာပေါ်လင်စ(၃၁၂)ချပ်၊ တကိုယ်ရည်သန့်ရှင်းရေးသုံးပစ္စည်း(၃၁၂)စုံ၊ စောင်(၃၁၂)ထည်၊ သောက်ရေပုံး(၃၁၂)ပုံးနှင့် အခြေခံစားကုန်(၃၁၂)စုံတို့ကို ထောက်ပံ့ပေးခဲ့ခြင်းလည်း ဖြစ်သည်။
