ယခုရာသီ M League ပြိုင်ပွဲ ဒီနေ့စတင်မှာဖြစ်ပြီးချင်းလန့်အသင်းနဲ့ ရတနာပုံအသင်း၊ သစ္စာအားမာန်အသင်းနဲ့ မြဝတီအသင်းတို့ ယှဥ်ပြိုင်ကစားမယ်
၂၀၂၆-၂၀၂၇ ရာသီ M League ပြိုင်ပွဲကို ယနေ့ (သြဂုတ် ၂၈) စတင်မှာဖြစ်ပြီး ချင်းလန့်အသင်းနဲ့ ရတနာပုံအသင်း၊ သစ္စာအားမာန်အသင်းနဲ့ မြဝတီအသင်းတို့ ယှဉ်ပြိုင်ကစားကြမှာဖြစ်ပါတယ်
၂၀၂၆-၂၀၂၇ ရာသီ M League ပြိုင်ပွဲ ပွဲစဉ် (၁) ကို သြဂုတ် ၂၈၊ ၂၉၊ ၃၀ ရက်များတွင် ကျင်းပသွားမှာ ဖြစ်ပါတယ်။
ပွဲစဉ် (၁) ရဲ့ ပထမဆုံးနေ့ (သြဂုတ် ၂၈) ပွဲစဉ်များအဖြစ် ရန်ကုန်မြို့ ရှိ YUSC ကွင်းတွင် ညနေ ၃ နာရီခွဲ၌ ချင်းလန့်အသင်းနဲ့ ရတနာပုံအသင်း၊ သီဟဒီပကွင်းတွင် ညနေ ၃ နာရီခွဲ၌ သစ္စာအားမာန်အသင်းနဲ့ မြဝတီအသင်းတို့ ယှဉ်ပြိုင်ကစားကြမှာ ဖြစ်ပါတယ်။
သြဂုတ် ၂၉ ရက်၊ ည နေ ၃ နာရီခွဲတွင် ရန်ကုန်မြို့ရှိ သီဟဒီပကွင်း၌ ဒဂုံစတားယူနိုက်တက်အသင်းနဲ့ ဟံသာဝတီယူနိုက်တက်အသင်း၊ ပုသိမ်မြို့ရှိ ကျောက်တိုင်ကွင်းတွင် ညနေ ၃ နာရီခွဲ၌ ဧရာဝတီယူနိုက်တက်အသင်းနဲ့ ISPE အသင်း၊ သြဂုတ် ၃၀ ရက်၊ ညနေ ၃ နာရီခွဲတွင် ရန်ကုန်မြို့ရှိ YUSC ကွင်း၌ ရန်ကုန်ယူနိုက်တက်အသင်းနဲ့ စစ်ကိုင်းယူနိုက်တက်အသင်း၊ ရန်ကုန်မြို့ရှိ ပဒေသာကွင်း၌ ညနေ ၃ နာရီခွဲတွင် ရန်ကုန်စီးတီးအသင်းနဲ့ ရှမ်းယူ နိုက်တက်အသင်းတို့ ယှဉ်ပြိုင်ကစားကြမှာဖြစ်ကြောင်း သိရပါတယ်။
ယခု ၂၀၂၆- ၂၀၂၇ ရာသီ M League ပြိုင်ပွဲကို အသင်း (၁၂) သင်းဖြစ်တဲ့ လက်ရှိချန်ပီယံ ရှမ်းယူနိုက်တက်၊ ရန်ကုန်ယူနိုက်တက်၊ ဧရာဝတီယူနိုက်တက်၊ ဟံသာဝတီယူနိုက်တက်၊ ရတနာပုံ၊ စစ်ကိုင်းယူနိုက်တက်၊ ဒဂုံစတားယူနိုက်တက်၊ မြဝတီ၊ သစ္စာအားမာန်၊ ရန်ကုန်စီးတီး၊ ISPE၊ ချင်းလန့်အသင်းတို့နဲ့ ကျင်းပသွားမှာ ဖြစ်ပါတယ်။
ယခု ၂၀၂၆- ၂၀၂၇ ရာသီ M League ပြိုင်ပွဲကို သြဂုတ် (၂၈) ရက်ကစပြီး နှစ်ကျော့စနစ်နဲ့ ကျင်းပသွားမှာ ဖြစ်ကြောင်း သိရပါတယ်။
ယခု ၂၀၂၆- ၂၀၂၇ ရာသီ M League ပြိုင်ပွဲကို ရှမ်းယူနိုက်တက်အသင်းက တောင်ကြီးမြို့ရှိ ပြည်နယ်အားကစားကွင်း၊ ရန်ကုန်ယူနိုက်တက်အသင်းက ရန်ကုန်မြို့ရှိ YUSC ကွင်း၊ ရတနာပုံအသင်းက မန္တလေးမြို့ရှိ ဗထူးကွင်း၊ ဧရာဝတီယူနိုက်တက်အသင်းက ပုသိမ်မြို့ရှိ ကျောက်တိုင်ကွင်း၊ ဟံသာဝတီယူနိုက်တက်အသင်းက ပဲခူးမြို့ရှိ Grand Royal ကွင်း၊ ISPE အသင်းက သန်လျင်သီဟဒီပကွင်း၊ ရန်ကုန်စီးတီးအသင်းက ရန်ကုန်မြို့ရှိ ပဒေသာကွင်းတို့တွင် အိမ်ကွင်းများအဖြစ် လက်ခံကျင်းပပြုလုပ်သွားမှာ ဖြစ်ကြောင်း သိရပါတယ်။
အိမ်ကွင်း လက်ခံကျင်းပနိုင်ခြင်း မရှိတဲ့ အသင်းများအတွက် MFF က ရန်ကုန်မြို့ရှိ သုဝဏ္ဏကွင်းတွင် အိမ်ကွင်းပွဲများအဖြစ် လက်ခံကျင်းပပေးသွားမှာ ဖြစ်ကြောင်း သိရပါတယ်။
