Walk for Peace ဦးဆောင်ဆရာတော် အရှင်ပညာကာရအား စတော့ဟုမ်းကမ္ဘာ့ငြိမ်းချမ်းရေးဆုချီးမြှင့်အပ်နှင်းမည်
ဆွီဒင်နိုင်ငံ၊ စတော့ဟုမ်းမြို့ရှိ Stockholm Concert Hall တွင် World Peace Award Committee မှဦးစီး၍ World Peace Award 2026 အခမ်းအနားကို ဩဂုတ် ၂၁ ရက်မှ သြဂုတ် ၂၅ ရက်အထိကျင်းပသွားမည်ဖြစ်ကြောင်း သိရသည်။
အခမ်းအနားတွင် အမေရိကန်ပြည်ထောင်စု၌ Walk for Peace ၂၀၂၅-၂၀၂၆ ကို အောင်မြင်စွာဦးဆောင်ကျင်းပခဲ့သည့် ဆရာတော်အရှင်ပညာကာရအား စတော့ဟုမ်းကမ္ဘာ့ငြိမ်းချမ်းရေးဆုချီးမြှင့်အပ်နှင်းသွားမည်ဖြစ်ကြောင်း သိရသည်။
အဆိုပါ အခမ်းအနားကို ၂၀၁၈ ခုနှစ်က စတော့ဟုမ်းကမ္ဘာ့ငြိမ်းချမ်းရေးဆုရရှိထားတော်မူသော အပြည်ပြည်ဆိုင်ရာဗုဒ္ဓဘာသာပညာရေးစင်တာ(IBEC) ဆရာတော်ဒေါက်တာအရှင်သောဘိတက ငြိမ်းချမ်းရေးဆုရရှိသည့် Walk for Peace ဦးဆောင်ဆရာတော်အရှင်ပညာကာရ အားဂုဏ်ပြုသည့်အနေဖြင့်ဂုဏ်ပြုစကား မိန့်ကြားတော်မူမည်ဖြစ်ကြောင်း သိရသည်။
