စိန့်ဂျိမ်းစ်ပါ့ခ်ကွင်းမှ ဘရူနိုဂွီမာရေးစ်နှင့်ပတ်သက်တဲ့အရာအားလုံးကို နယူးကာဆယ် ဖယ်ရှားလာ
====================
နယူးကာဆယ်အသင်းဟာ စိန့်ဂျိမ်းစ်ပါ့ခ်ကွင်းအတွင်းရှိ အာဆင်နယ်သို့ ပြောင်းရွှေ့မယ်လို့ သတင်းထွက်နေတဲ့ အသင်းခေါင်းဆောင်ဘရူနိုဂွီမာရေးစ်နှင့်ပတ်သက်တဲ့အရာဟူသမျှကို ဖယ်ရှားလာပါတယ်။
ဘရာဇီးကွင်းလယ်ကစားသမားဟာ ယခုနွေရာသီတွင် ပရီးမီးယားလိဂ်ချန်ပီယံသို့ ပြောင်းမယ်လို့ သတင်းများ ကျယ်ပြန့်စွာ ထွက်ပေါ်နေသူလည်း ဖြစ်ပါတယ်။
အာဆင်နယ်ဟာ အသက် ၂၈ နှစ်ရှိ ကွင်းလယ်ကစားသမားနှင့် ပုဂ္ဂိုလ်ရေးဆိုင်ရာ သဘောတူညီမှု ရရှိထားပြီလို့ သတင်းထွက်ထားသလို နယူးကာဆယ်နှင့်လည်း ပြောင်းရွှေ့ကြေး ပေါင် ၇၇ သန်းဖြင့် သဘောတူညီမှုရထားပြီလို့ သိရပါတယ်။
ယခုအခါ နယူးကာဆယ်ဟာ စိန့်ဂျိမ်းစ်ပါ့ခ်ကွင်းအတွင်းရှိ ဂွီမာရေးစ်နှင့်ပတ်သက်တဲ့ ပိုစတာများ အပါအဝင် အရာဟူသမျှကို ဖယ်ရှားလာမှုနှင့်အတူ အပြောင်းအရွှေ့မှာ ပြီးပြတ်လာတော့မယ်လို့ ယုံကြည်ရပါတယ်။
နယူးကာဆယ်ဟာ ရာသီသစ်ဝတ်စုံသစ် ပိုစတာမှ ဘရူနိုဂွီမာရေးစ်နေရာတွင် အခြားစတားများနှင့် အစားထိုးလာသလို ကြော်ငြာဆိုင်းဘုတ်များမှ ဂွီမာရေးစ်ရဲ့ပုံများကိုလည်း ဖယ်ရှားလာပါတယ်။
ယခုအဖြစ်အပျက်မှာ တိုက်ဆိုင်မှု ဖြစ်နိုင်ပေမဲ့လည်း နယူးကာဆယ်ပရိသတ်များအနေဖြင့် အရေးပါတဲ့ ကွင်းလယ်ကစားသမားအား ဆုံးရှုံးရနိုင်ခြေများလာမှုအပေါ် စိုးရိမ်နေကြပြီ ဖြစ်ပါတယ်။
နယူးကာဆယ်ဟာ ယခုနွေရာသီတွင် ဆန်ဒရိုတိုနာလီအား စပါးစ်သို့ ပေါင်သန်း ၁၀၀ ဖြင့် လည်းကောင်း၊ အန်တိုနီဂေါ်ဒွန်ကို ဘာစီလိုနာသို့ ပေါင် ၆၉သန်းဖြင့်လည်းကောင်း ရောင်းချထားရသလို နည်းပြအက်ဒီဟောင်းမှာလည်း ရာထူးမှ နုတ်ထွက်သွားပြီး ဖြစ်ပါတယ်။
