အမေရိကန်နှင့် စာချုပ်သက်တမ်းတိုးချုပ်ဆိုလာတဲ့ ပိုချက်တီနို
====================
မူရီစီယိုပိုချက်တီနိုဟာ အမေရိကန်အသင်းအား ၂၀၃၀ ခုနှစ်အထိ ကိုင်တွယ်မယ့် စာချုပ်အား သက်တမ်းတိုးချုပ်ဆိုလာပါတယ်။
စပါးစ်နှင့် ချဲလ်ဆီးနည်းပြဟောင်းဟာ ၂၀၂၄ ခုနှစ် စက်တင်ဘာလကတည်းက အမေရိကန်အသင်းကို ဦးဆောင်လာတာ ဖြစ်ပြီး ၂၀၂၆ ကမ္ဘာ့ဖလားပြိုင်ပွဲတုန်းက ၁၆ သင်း ရှုံးထွက်အဆင့်သို့အထိ ပို့ဆောင်နိုင်ခဲ့ပါတယ်။
ယခုအခါ အမေရိကန်ဘောလုံးအဖွဲ့ချုပ်အား အသင်းကို လာမယ့် ၂၀၃၀ ကမ္ဘာ့ဖလားအထိ ဦးဆောင်နိုင်မယ့် စာချုပ်အား ပိုချက်တီနိုကို ချုပ်ဆိုလာခဲ့ပြီ ဖြစ်ပါတယ်။
ပိုချက်တီနိုဦးဆောင်တဲ့ အမေရိကန်ဟာ ကမ္ဘာ့ဖလားအုပ်စုတွင်းတွင် ပါရာဂွေးနှင့် ဩစတြေးလျတို့အား အနိုင်ရရှိကာ အုပ်စုဗိုလ်အဖြစ် ၃၂ ရှုံးထွက်အဆင့်သို့ တက်နိုင်ခဲ့ပါတယ်။
၎င်းတို့ဟာ ၃၂ သင်း ရှုံးထွက်အဆင့်တွင် ဘော့စနီးယားအား ၂-၀ ဖြင့် အနိုင်ရခဲ့ပေမဲ့လည်း ၁၆ သင်း ရှုံးထွက်အဆင့်တွင် ဘယ်ဂျီယံအား ၄-၁ ဖြင့် ရှုံးနိမ့်ကာ ထွက်ခဲ့ရပါတယ်။
