ချဲလ်ဆီးနောက်ခံလူချာလိုဘာအား ပေါင် ၃၁ သန်းဖြင့် ခေါ်ယူရန် ဖာဘရီဂက်စ်ရဲ့ကိုမို သဘောတူညီမှု ရရှိ
=====================
ကိုမိုဟာ ချဲလ်ဆီးနောက်ခံလူထရီဗိုချာလိုဘာအား ပြောင်းရွှေ့ကြေး ပေါင် ၃၁ သန်းကျော်ဖြင့် ခေါ်ယူရန် သဘောတူညီမှု ရရှိလာပါတယ်။
အသက် ၂၇ နှစ်ရှိ နောက်ခံလူဟာ ဖာဘရီဂက်စ်ကိုင်တွယ်နေတဲ့ ကိုမိုနှင့် နှစ်ရှည်စာချုပ်ချုပ်ဆိုလာမှာ ဖြစ်ပြီး ကလပ်ရဲ့ ခေါင်းဆောင်ပိုင်းတာဝန်ကိုလည်း ရယူလာပါမယ်။
ဖာဘရီဂက်စ်ကိုင်တွယ်နေတဲ့ ကိုမိုဟာ ပြီးခဲ့တဲ့ရာသီတုန်းက စီးရီးအေတွင် အဆင့် ၄ နေရာမှာ ရပ်တည်ကာ ချန်ပီယံလိဂ်ဝင်ခွင့် ရထားပါတယ်။
ချဲလ်ဆီးဟာ ချာလိုဘာအတွက် ပြောင်းရွှေ့ကြေး ပေါင် ၂၅.၇ သန်း ရရှိလာမှာ ဖြစ်ပြီး ကျန် ပေါင် ၅.၁သန်းကို စွမ်းဆောင်ရည်အပေါ် မူတည်ပြီး ထပ်မံ ရရှိပါမယ်။
အင်္ဂလန်လက်ရွေးစင်ကစားသမားဟာ ချဲလ်ဆီးသို့ ကလေးဘဝကတည်းက ရောက်လာခဲ့တာ ဖြစ်ပြီး နှစ်ပေါင်း ၂၀ နီးပါး ကစားပြီးနောက် စွန့်ခွာလာတော့မှာလည်း ဖြစ်ပါတယ်။
ချဲလ်ဆီးဟာ ပဲလေ့စ်မှ ပြင်သစ်နောက်ခံလူလာခရွိုက်စ်အား ပေါင် ၅၂ သန်းဖြင့် ခေါ်ယူထားမှုနှင့်အတူ ဗဟိုနောက်ခံလူ ၉ ဦးအထိ ရှိနေရာ အသင်းလူအင်အားကို မဖြစ်မနေ လျှော့ချရန် လိုအပ်နေပါတယ်။
ချဲလ်ဆီးဟာ ဒီဆာဆီ၊ ဘာဒီယာရှယ်လီ၊ ဆားနှင့် အေချီယမ်ပွန်တို့ကိုလည်း အငှားချထားရန် ကြိုးပမ်းနေပါတယ်။
