၁၆ နှစ်တိုင်တိုင် ကစားလာတဲ့ ဘရာဇီးအတွက် ဆက်လက်ကစားလိုစိတ် လုံးဝ မရှိတော့မှုကြောင့် အနားယူရန် ဆုံးဖြတ်လိုက်ခြင်းဖြစ်ကြောင်း နေမာပြောကြားလာ
=====================
နေမာက ဘရာဇီးအသင်းအတွက် ဆက်လက် ကစားလိုစိတ် လုံးဝ မရှိတော့မှုကြောင့် လက်ရွေးစင်ကစားသမားဘဝမှ အနားယူရန် ဆုံးဖြတ်လိုက်ခြင်းဖြစ်ကြောင်း ပြောကြားလာပါတယ်။
ပီအက်စ်ဂျီနှင့် ဘာစီလိုနာစတားဟောင်းဟာ ကမ္ဘာ့ဖလား ၁၆ သင်း ရှုံးထွက်အဆင့်ပွဲစဉ်တွင် နော်ဝေအား ၂-၁ ဖြင့် ရှုံးနိမ့်တဲ့ပွဲတွင် ဘရာဇီးအတွက် ၃၇ မိနစ်ကစားကာ ကစားသမားဘဝမှ အနားယူခဲ့ပါတယ်။
ယင်းပွဲတွင် ဘရာဇီးအတွက် နှစ်သိမ့်ဂိုးအား ပင်နယ်တီမှ တဆင့် သွင်းခဲ့တဲ့ နေမာဟာ ပွဲအပြီးတွင်တော့ ဘရာဇီးအတွက် နောက်ဆုံးပွဲ ကစားခဲ့ခြင်းဖြစ်ကြောင်း ဆိုသွားခဲ့ပါတယ်။
နေမာဟာ ၂၀၂၃ ခုနှစ်တုန်းက ဘရာဇီးအသင်းအတွက် ကစားစဉ် ဒူးအရွတ်ဒဏ်ရာရရှိကာ ဒဏ်ရာပြဿနာများနှင့် နပန်းလုံးလာခဲ့ရသူလည်း ဖြစ်ပါတယ်။
Universidad Central အား ၄-၂ ဖြင့် အနိုင်ရတဲ့ပွဲအပြီးတွင် နေမာက "ကျွန်တော့်ရဲ့ လက်ရွေးစင်အသင်းကာလက အဆုံးသတ်သွားပါပြီ။ ကျွန်တော် သမိုင်းရေးခဲ့တယ်။ အရမ်းပျော်ခဲ့တယ်။ ကျွန်တော့်သွေး၊ ကျွန်တော့်ဘဝကို ပေးခဲ့တယ်။ ဒီအဝါရောင်ဝတ်စုံအတွက် အမြဲတမ်းတိုက်ပွဲဝင်ခဲ့တယ်။ ဒါပေမဲ့ အခု ဘာမှ ဆက်ပေးချင်စိတ် မရှိတော့ဘူး"လို့ ပြောကြားသွားပါတယ်။
နေမာဟာ ၂၀၂၃ ခုနှစ် နွေရာသီတွင် ပီအက်စ်ဂျီမှ Al-Hilal သို့ ပေါင် ၇၇ သန်းဖြင့် ပြောင်းပြီးနောက် ဒူးအရွတ်ဒဏ်ရာရရှိကာ ၇ ပွဲတည်းသာ ကစားနိုင်ခဲ့ပါတယ်။
သူဟာ ကစားသမားဘဝ စတင်ရာ ဆန်းတို့စ်သို့ ပြန်ရောက်လာပြီးနောက် ၄၄ ပွဲကစားထားရာမှာ ၁၉ ဂိုးသွင်းထားနိုင်ပါတယ်။
သူဟာ ဘရာဇီးအတွက် ပွဲ ၁၃၀ ကစားထားရာမှာ ဂိုး ၈၀ သွင်းထားပြီး ဘရာဇီးသမိုင်းတွင် ဂိုးအများဆုံးသွင်းယူထားသူအဖြစ် ရပ်တည်နေပါတယ်။
သူဟာ ကစားသမားဘဝတစ်လျှောက် ၃၇၉ ဂိုးသွင်းထားသူဖြစ်ပြီး ၂၀၁၅ ခုနှစ်တုန်းက ဘာစီလိုနာနှင့်အတူ ချန်ပီယံလိဂ်ဖလား ရရှိခဲ့သူလည်း ဖြစ်ပါတယ်။
