ပဲလေ့စ်ရဲ့ ပြင်သစ်နောက်ခံလူလာခရော့စ်ကို ခေါ်ယူရန် ချဲလ်ဆီး သဘောတူညီမှု ရရှိ
===================
ခရစ္စတယ်ပဲလေ့စ်နောက်ခံလူမာဆင့်လာခရော့စ်ဟာ ချဲလ်ဆီးနှင့် ခရစ္စတယ်ပဲလေ့စ်တို့အကြား ပြောင်းရွှေ့ကြေး သဘောတူညီမှု ရရှိသွားပြီးနောက် စတမ်းဖို့ဒ်ဘရစ်ချ်သို့ ပြောင်းရွှေ့လာပါတော့မယ်။
အင်္ဂါနေ့တုန်းက ကလပ်နှစ်ခုအကြား ဆွေးနွေးခဲ့ရာတွင် ပဲလေ့စ်ဟာ ဗဟိုနောက်ခံလူအား ပေါင်သန်း ၆၀ ဖြင့် ရောင်းချရန် သဘောတူညီခဲ့ကြောင်း သိရပါတယ်။
ယခုအခါ ကလပ်နှစ်ခုအကြား သဘောတူညီမှု ရရှိသွားမှုနှင့်အတူ ကစားသမားနှင့် ပုဂ္ဂိုလ်ရေးဆိုင်ရာ သဘောတူညီမှု ရရှိရန် မခက်ခဲတော့ပါဘူး။
လာခရော့စ်ဟာ လာမယ့် ၂၄ နာရီအတွင်းတွင် ဆေးစစ်ဆေးမှုခံယူပြီး ၂၀၃၂ ခုနှစ်အထိ နှစ်ရှည်စာချုပ်ချုပ်ဆိုလာမယ်လို့ ယုံကြည်ရပါတယ်။
အသက် ၂၆ နှစ်ရှိ လာခရော့စ်ဟာ ပြီးခဲ့တဲ့ရာသီတုန်းက ပဲလေ့စ်အတွက် ပြိုင်ပွဲအရပ်ရပ်တွင် ၅၅ ပွဲကစားကာ ကလပ်သမိုင်းတွင် ပထမဆုံးဥရောပဖလားအဖြစ် ကွန်ဖရင့်လိဂ်ရယူပေးခဲ့သူ ဖြစ်ပါတယ်။
သူဟာ ပြီးခဲ့တဲ့ရာသီအစတုန်းက လီဗာပူးအား အနိုင်ရကာ ကွန်မြူနတီဒိုင်းဆွတ်ခူးတဲ့ ပဲလေ့စ်အသင်းတွင်လည်း ပါဝင်ခဲ့သူ ဖြစ်ပါတယ်။
လာခရော့စ်ဟာ ပဲလ့စ်နှင့်အတူ ခြေစမ်းပြနိုင်မှုနှင့်အတူ ကမ္ဘာ့ဖလားပြိုင်ပွဲဝင် ပြင်သစ်အသင်းမှာ ရွေးချယ်ခြင်းခံခဲ့ရပြီး နော်ဝေ၊ အင်္ဂလန်တို့နှင့်ပွဲစဉ်များတွင် ပါဝင်ကစားခွင့်ရခဲ့ပါတယ်။
လာခရော့စ်ဟာ ၂၀၂၄ ခုနှစ် ဩဂုတ်လတုန်းက ဝုဖ်ဘတ်မှ ပဲလေ့စ်သို့ ပေါင် ၂.၆ သန်းထပ်မံပေးရမယ့်အချက်ပါ ပေါင် ၁၅.၅ သန်းဖြင့် ပြောင်းလာခဲ့သူ ဖြစ်ပါတယ်။
သူဟာ ပဲလေ့စ်တွင် ကစားစဉ်အတွင်း ဆက်တိုက် ခြေစွမ်းပြကစားနိုင်တဲ့ ပရီးမီးယားလိဂ်ရဲ့ ဗဟိုနောက်ခံလူများထဲမှ တစ်ဦးအဖြစ် ရပ်တည်လာသူ ဖြစ်ပါတယ်။
