ယာဉ်အမြန်မောင်းနှင်စဉ် ကိုကင်းသုံးစွဲကြောင်း စစ်ဆေးတွေ့ရှိခဲ့တဲ့ ဩစတြေးလျကမ္ဘာ့ဖလားစတား
===================

ဩစတြေးလျရဲ့ ကမ္ဘာ့ဖလားစတားခရစ္စတီယန်ဗိုလ်ပါတိုဟာ ဆစ်ဒနီတွင် တစ်ညတည်းတွင်ပင် ယာဉ်အမြန်မောင်းနှင်ကြောင်း စစ်ဆေးတွေ့ရှိပြီးနောက် ကိုကင်းသုံးစွဲကြောင်းလည်း စစ်ဆေးတွေ့ရှိခဲ့ပါတယ်။
အသက် ၂၂ နှစ်ရှိ ဩစတြေးလျအလယ်တန်းကစားသမားဟာ အင်္ဂါနေ့ညတုန်းက တစ်နာရီကီလို ၆၀ သာ မောင်းနှင်နိုင်တဲ့ ဧရိယာတွင် ၈၆ မှ ၉၄ ကီလိုအတွင်း မောင်းနှင်မှုဖြင့် စစ်ဆေးခြင်းခံရပြီးနောက် ယင်းည ၁၁ နာရီ ၀၅ မိနစ်အချိန်တွင် BMW Coupe ဖြင့် မောင်းနှင်နေစဉ် Anzac Bridge ပေါ်မှာ စစ်ဆေးခြင်းခံခဲ့ရပါတယ်။
သူဟာ လမ်းဘေးတွင် အသက်ရှူစစ်ဆေးခြင်းခံခဲ့ရတာ ဖြစ်ပြီး နစ်ဂတစ်တွေ့ရှိခဲ့ရတာပါ။
ဒါပေမဲ့ ဗိုလ်ပါတိုဟာ နှစ်နာရီအကြာ တစ်နာရီ ၆၀ ကီလိုသာ မောင်းနှင်နိုင်မယ့် ဇုန်တွင် ၁၀၉ ကီလိုအထိ မောင်းနှင်မှုဖြင့် ရပ်တန့်စစ်ဆေးခြင်းခံရချိန်မှာတော့ ကိုကင်းသုံးစွဲထားကြောင်း တွေ့ရှိခဲ့ရပါတယ်။
New South Wales ရဲတပ်ဖွဲ့ ကဗိုလ်ပါတိုကို ယာဉ်အမြန်မောင်းနှင်မှုဖြင့် နိုင်ငံတကာယာဉ်မောင်းလိုင်စင် ၆ လပိတ်ပင်ခြင်းခံခဲ့ရပါတယ်။ သူဟာ New South Wales မှာ ယာဉ်မောင်းနှင်ခွင့် မရှိတော့ပါဘူး။
ဒါ့အပြင် ရဲတပ်ဖွဲ့က ကိုကင်းသုံးစွဲထားကြောင်း တွေ့ရှိခဲ့တဲ့ ဗိုလ်ပါတိုရဲ့အမှုကို နောက်ထပ် စစ်ဆေးမှုများ ပြုလုပ်ဦးမှာ ဖြစ်ကြောင်း ဆိုထားပါတယ်။
ဗိုလ်ပါတိုဟာ ကမ္ဘာ့ဖလား ၃၂ သင်းရှုံးထွက်အဆင့်ရောက် ဩစတြေးလျရဲ့ ကမ္ဘာ့ဖလား ၄ ပွဲတွင် ၃ ပွဲပါဝင်ကစားခဲ့သူ ဖြစ်ပါတယ်။
သူဟာ ၂၀၂၃ ခုနှစ်ကတည်းက စီးရီးအေကလပ် ဆက်စ်ဆူလိုတွင် ကစားလာခဲ့သူ ဖြစ်ပြီး ပြီးခဲ့တဲ့ရာသီတုန်းက စီးရီးအေတွင် အဆင့် ၁၁ နေရာမှာ ရပ်တည်နိုင်ခဲ့စဉ်တုန်းက လိဂ်ပွဲ ၂၄ ပွဲကစားခဲ့ပါတယ်။