"မီလျံနာ"ရွှေဆိုင်မှ ရွှေထည်ပစ္စည်းများ ဓားပြတိုက်ခံရ
မန္တလေးတိုင်း၊ ချမ်းမြသာစည်မြို့နယ်ရှိ "မီလျံနာ"ရွှေဆိုင်၌သေနတ်ပစ်ဖောက်၍ ရွှေထည်ပစ္စည်းများကို ဓားပြတိုက်ယူဆောင်သွားခဲ့မှု ယနေ့ ဇူလိုင် ၂၀ ရက်နေ့ လယ် ၃ နာရီခွဲခန့်ကဖြစ်ပွားခဲ့ကြောင်း လုံခြုံရေးအဖွဲ့နှင့် နီးစပ်သူများထံမှ သိရသည်။
ဆိုင်ကယ်စီးနင်းလာသော အမျိုးသား(၅)ဦးက ချမ်းမြသာစည်မြို့နယ်၊ ၁၁၀ လမ်း၊ ၆၂×၆၃ လမ်းကြားရှိ "မီလျံနာ"ရွှေဆိုင်အတွင်းသို့ဝင်ရောက်လာပြီးနောက် သေနတ်ပစ်ဖောက်၍ ရွှေထည်ပစ္စည်းများအား ဓားပြတိုက်ယူဆောင်ပြီးနောက် ဆိုင်ကယ်များဖြင့်မောင်းနှင်ထွက်ပြေးသွားခဲ့ကြကြောင်း သိရသည်။
" ရွှေဆိုင်ထဲကိုသေနတ်ပစ်ဖောက်ပြီးဝင်လာတယ်။ နောက် ရွှေထည်ပစ္စည်းတွေထည့်ထားတဲ့မှန်ကောင်တာကိုရို-က်ခွဲပြီး ရွှေထည်တွေကိုယူသွားကြတယ်။ ပါသွားတဲ့ ရွှေထည်ပစ္စည်းအရေအတွက်နဲ့ တန်ဖိုးကိုစိစစ်နေကြတယ်"ဟု လုံခြုံရေးအဖွဲ့နှင့်နီးစပ်သူတစ်ဦးက ပေါ် ပြူလာနယူးစ်ကို ပြောသည်။
ဖြစ်စဥ်မှ ပြစ်မှုကျူးလွန်သူများအားဖမ်းဆီးရမိရေးအတွက် လုံခြုံရေးအဖွဲ့ဝင်များက CCTV မှတ်တမ်းများကိုစစ်ဆေးပြီး ပိတ်ဆို့ရှာဖွေစစ်ဆေးမှုများပြုလုပ်လျက်ရှိကြောင်း သိရသည်။
