ဘီဆစ်တပ်စ်သို့ ပေါင် ၁၅.၃ သန်းဖြင့် အာဆင်နယ်တိုက်စစ်သမားထရိုဆတ် ပြောင်းရွှေ့လာ
====================
ဘယ်ဂျီယံတိုက်စစ်သမားလီယန်ဒရိုထရိုဆတ်ဟာ တူရကီကလပ် ဘီဆစ်တပ်စ်သို့ ၃ နှစ်စာချုပ်ဖြင့် ပြောင်းရွှေ့လာပါတယ်။
တူရကီထိပ်သီးကလပ်ဟာ အသက် ၃၁ နှစ်ရှိ တိုက်စစ်သမားအတွက် အာဆင်နယ်ကို ပြောင်းရွှေ့ကြေး ပေါင် ၁၅.၃ သန်း(ယူရို ၁၈ သန်း)ပေးလာရမှာ ဖြစ်ပြီး ယင်းငွေများကို သုံးနှစ်အတွင်း ၆ ကြိမ်အရစ်ကျ ပေးချေရပါမယ်။
ဒါ့အပြင် ထရိုဆတ်ဟာ ဘီဆစ်တပ်စ်နှင့်စာချုပ်အတွင်းတွင် ၁၂ လ သက်တမ်းတိုးနိုင်မဲ့အချက်ကိုလည်း ထည့်သွင်းချုပ်ဆိုထားပါတယ်။ သူဟာ ဘီဆစ်တပ်စ်တွင် အာဆင်နယ်တွင် ရရှိနေတဲ့ လုပ်ခအတိုင်း တစ်ပတ်လုပ်ခ ပေါင် ၁၂၀၀၀၀ ပင် ဆက်လက် ရရှိလာပါမယ်။
ထရိုဆတ်ဟာ ၂၀၂၃ ခုနှစ် ဇန်နဝါရီလတွင် ဘရိုက်တန်မှ ပေါင် ၂၁ သန်းဖြင့် ပြောင်းလာပြီးနောက် အာဆင်နယ်အတွက် ၁၇၄ ပွဲကစားပေးခဲ့ရာမှာ ၃၆ ဂိုးသွင်းကာ ၃၄ ကြိမ် ဖန်တီးပေးပြီး ပြီးခဲ့တဲ့ရာသီတုန်းက ပရီးမီးယားလိဂ်ဖလား ရရှိအောင် ကူညီပေးနိုင်ခဲ့ပါတယ်။
သူဟာ ပီအက်စ်ဂျီကို ရှုံးနိမ့်တဲ့ ချန်ပီယံလိဂ်ဗိုလ်လုပွဲတွင်လည်း ပွဲကစားခဲ့ပြီး ပရီးမီးယားလိဂ်တွင် ၂၁ ပွဲကစားပေးခဲ့ပါတယ်။
သူဟာ ကမ္ဘာ့ဖလားကွာတားဖိုင်နယ်ရောက် ဘယ်ဂျီယံအသင်းရဲ့ ကမ္ဘာ့ဖလားပွဲ ၆ ပွဲလုံး ပွဲထွက်ကစားခဲ့ပါတယ်။
