ဖော့ကလန်နဖူးစည်းဖြင့် အောင်ပွဲခံမှုကြောင့် အာဂျင်တီးနား အရေးယူခြင်းခံရမည်
====================
အာဂျင်တီးနားဟာ အင်္ဂလန်ကို ကမ္ဘာ့ဖလားဆီမီးဖိုင်နယ်တွင် အနိုင်ရရှိပြီးနောက် ဖော့ကလန်ကျွန်းမှာ ၎င်းတို့အပိုင်ဖြစ်ကြောင်းကို ထောက်ခံတဲ့ စာသားပါ နဖူးစည်းအား ကိုင်ဆောင်အောင်ပွဲခံမှုအတွက် ဖီဖာရဲ့ အရေးယူခြင်းခံလာရဖို့ ရှိနေပါတယ်။
လက်ရှိ ချန်ပီယံဟာ အန်တိုနီဂေါ်ဒွန်ရဲ့ ဂိုးကြောင့် နောက်က လိုက်ကစားခဲ့ရပေမဲ့လည်း အန်ဇိုဖာနန်ဒက်ဇ်နှင့် လူသာရိုမာတီနက်ဇ်တို့ရဲ့ ဂိုးတွေကြောင့် အင်္ဂလန်ကို ၂-၁ ဖြင့် အနိုင်ရရှိကာ ကမ္ဘာ့ဖလားဗိုလ်လုပွဲသို့ ၂ ကြိမ်ဆက် တက်ရောက်နိုင်ခဲ့ပါတယ်။
လက်ရှိ ချန်ပီယံအာဂျင်တီးနားဟာ တနင်္ဂနွေနေ့မှာ ယူရိုချန်ပီယံ စပိန်အသင်းနှင့် ဗိုလ်လုပွဲ ရင်ဆိုင်ကစားရပါမယ်။
အတ္တလန္တတစ်သမုဒ္ဒရာအနောက်တောင်ပိုင်းရှိ ဖော့ကလန်ကျွန်းမှာ ဗြိတိသျှပိုင် ကျွန်းတစ်ကျွန်း ဖြစ်ပါတယ်။ ဒါပေမဲ့ အာဂျင်တီးနားက ၎င်းတို့အပိုင်ဖြစ်ကြောင်း ယခုတိုင် အငြင်းပွားနေတုန်း ဖြစ်ပါတယ်။
အာဂျင်တီးနားနှင့် အင်္ဂလန်တို့ဟာ ၁၉၈၂ ခုနှစ်တုန်းက ဧပြီလမှ ဇွန်လအထိ ၇၄ ရက်တိုင်တိုင် ဖော့ကလန်ကျွန်းတိုက်ပွဲ ဖြစ်ခဲ့ပါတယ်။
၇၄ ရက်ကြာ ဖော့ကလန်တိုက်ပွဲကြောင့် အာဂျင်တီးနားစစ်သား ၆၅၅ ဦး၊ ဗြိတိသျှ စစ်သား ၂၅၅ ဦး၊ အရပ်သား ၃ ဦး သေဆုံးခဲ့ပါတယ်။
၂၀၁၄ ခုနှစ်တုန်းက ဖီဖာဟာ ဆလိုဗေးနီးယားနှင့် ခြေစမ်းပွဲမတိုင်မီ အာဂျင်တီးနားကစားသမားများ ဖော့ကလန်နဖူးစည်းကိုင်ဆောင်မှုအတွက် အာဂျင်တီးနားဘောလုံးအဖွဲ့ချုပ်ကို ပေါင် ၂၀၀၀၀ ဒဏ်ရိုက်ခဲ့ဖူးပါတယ်။
အာဂျင်တီးနားကစားသမားများဟာ အီဂျစ်ကို ၃-၂ ဖြင့် အနိုင်ရတဲ့ ကမ္ဘာ့ဖလား ၃၂ သင်းရှုံးထွက်အဆင့်ပွဲစဉ်အပြီးတွင်လည်း ဖော့ကလန်ကျွန်း၊ ဒီယေဂိုမာရာဒိုနာ၊ လီယွန်နယ်မက်ဆီတို့ကို ရည်ညွန်းတဲ့ သီချင်းများ သီဆိုခဲ့ကြပါသေးတယ်။
