အင်္ဂလန်နှင့် ကမ္ဘာ့ဖလားဆီမီးဖိုင်နယ်ပွဲစဉ်မတိုင်မီ အာဂျင်တီးနားပရိသတ်အချင်းချင်း ဆိုးဆိုးရွားရွား ခိုက်ရန်ဖြစ်ပွား
=====================
အာဂျင်တီးနားပရိသတ်များဟာ အင်္ဂလန်နှင့် ကမ္ဘာ့ဖလားဆီမီးဖိုင်နယ်ပွဲစဉ်မတိုင်မီ အချင်းချင်း ပုလင်းများဖြင့် ပစ်ပေါက်ခြင်း၊ စားပွဲခုံများကို ပစ်ပေါက်ခြင်းတို့ ပြုလုပ်ကာ ဆိုးဆိုးရွားရွား ခိုက်ရန် ဖြစ်ပွားခဲ့ပါတယ်။
ဂျော်ဂျီယာပြည်နယ်၊ အတ္တလန္တာတွင် လူသူရှုပ်ထွေးတဲ့ ရင်ပြင်တစ်ခုတွင် အာဂျင်တီးနားပရိသတ်များဟာ အချင်းချင်း ခိုက်ရန် ဖြစ်ပွားခဲ့တာလည်း ဖြစ်ပါတယ်။
အွန်လိုင်းတွင် ထွက်ပေါ်လာတဲ့ ဗီဒီယိုဖိုင်အရ တစ်ဦးဟာ အမှိုက်ပုံးဖြင့် တစ်ဖက်ကို ပစ်ပေါက်ခဲ့တာလည်း တွေ့ရပါတယ်။
အဖွဲ့နှစ်ခုတို့ဟာ အပြန်အလှန်ထိုးကြိတ်ခဲ့ကြပြီး နှစ်ဦးမှာ အနီးရှိ အမှိုက်ပုံများဖြင့် တစ်ဖက်ပရိသတ်များကို ပစ်ပေါက်ခဲ့သလို ပရိသတ်တစ်ဦးကလည်း စားပွဲကို တဖက်လူများရှိရာသို့ လှန်ပစ်ခဲ့တာလည်း တွေ့ရပါတယ်။
ယင်းအာဂျင်တီးနားပရိသတ်များရဲ့ ရန်ပွဲမှာ ရဲအရာရှိများ ရောက်လာချိန်တွင်လည်း မပြီးဆုံးနိုင်သေးဘဲ တစ်ဖက်နှင့်တစ်ဖက် ပစ္စည်းများဖြင့် ပစ်ပေါက်ခဲ့ကြပါသေးတဘ်။
တစ်ဦးမှာ ရဲတပ်ဖွဲ့ဝင်တစ်ဦးရဲ့ လက်ထိပ်ခတ်ဖမ်းဆီးခံနေချိန်တွင်လည်း ဆဲဆိုအော်ဟစ်ခဲ့တာ တွေ့ရပါတယ်။
နောက်ပိုင်းသိရတဲ့သတင်းများအရ ယင်းအာဂျင်တီးနားပရိသတ်များမှာ ဘရူနိုအေးရီးစ်ပြိုင်ဘက်များဖြစ်ကြတဲ့ ဆန်လိုရန်ဇိုနှင့် ဟူရာကန်ပရိသတ်များဖြစ်ကြကြောင်း သိရပါတယ်။
