အန်ဇိုဖာနန်ဒက်ဇ်အား ခေါ်ယူရန် အစီအစဉ်မရှိကြောင်း ရီးရဲလ်မက်ဒရစ် ကြေညာချက် ထုတ်ပြန်လာ
=====================
ရီးရဲလ်မက်ဒရစ်ဟာ ယခုနွေရာသီတွင် ချဲလ်ဆီးမှ အာဂျင်တီးနားကွင်းလယ်ကစားသမားအန်ဇိုဖာနန်ဒက်ဇ်အား ခေါ်ယူလိုခြင်း မရှိကြောင်း ကြေညာချက် ထုတ်ပြန်လာပါတယ်။
အန်ဇိုဖာနန်ဒက်ဇ်ဟာ ပြီးခဲ့တဲ့ရာသီတုန်းက ပရီးမီးယားလိဂ်တွင် အဆင့် ၁၀ နေရာမှာသာ ရပ်တည်ကာ ဥရောပဝင်ခွင့် မရရှိခဲ့တဲ့ ချဲလ်ဆီးမှ ထွက်ခွာလိုနေပြီး ရီးရဲလ်မက်ဒရစ်သို့ ပြောင်းလိုနေတယ်လို့ ယုံကြည်ရပါတယ်။
စပိန်ထိပ်သီးကလပ်ဟာ ၂၀၂၃ ခုနှစ် ဖေဖော်ဝါရီလတုန်းက ဘင်ဖီကာမှ ပေါင် ၁၀၇ ဖြင့် ချဲလ်ဆီးသို့ ရောက်လာတဲ့ ဖာနန်ဒက်ဇ်အား ခေါ်ယူလိုနေကြောင်း သတင်းများ ထွက်ပေါ်ခဲ့ပါတယ်။
ဒါပေမဲ့ ယခုအခါမှာတော့ ရီးရဲလ်မက်ဒရစ်က အန်ဇိုဖာနန်ဒက်စ်အား ခေါ်ယူရန် တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း ကြိုးပမ်းခြင်း မရှိသလို မည်သည့် လုပ်ဆောင်မှုမျှ ပြုလုပ်ရန် အစီအစဉ်မရှိကြောင်း ကြေညာလာပါတယ်။
တဖက်တွင် ချဲလ်ဆီးကလည်း အန်ဇိုဖာနန်ဒက်ဇ်အတွက် မည်သည့်ကလပ်ရဲ့ ချဉ်းကပ်မှုများ ရရှိထားခြင်း မရှိကြောင်း ဆိုထားပါတယ်။
ချဲလ်ဆီးဟာ အသက် ၂၅ နှစ်ရှိ ကွင်းလယ်ကစားသမားကို ပြောင်းရွှေ့ကြေး ပေါင် ၁၂၅ သန်း သတ်မှတ်ထားပေမဲ့လည်း ခေါ်ယူလိုတဲ့ကလပ်မရှိပါကလည်း ဆက်ထိန်းထားရန် အသင့်ရှိနေပါတယ်။
