ဂိုးသမားကင်စကီးကို စာချုပ်သစ်ချုပ်ဆိုလာတဲ့ စပါးစ်
=====================
စပါးစ်ဟာ ဂိုးသမားအန်တိုနန်ကင်စကီးကို လုပ်ခတိုးမြှင့်ကာ စာချုပ်သစ်ချုပ်ဆိုလာပါတယ်။
အသက် ၂၃ နှစ်ရှိ ချက်ဂိုးသမားဟာ ပြီးခဲ့တဲ့ရာသီတုန်းက အက်သလက်တီကိုနှင့် ချန်ပီယံလိဂ် ၁၆ သင်းရှုံးထွက်အဆင့် ပွဲစဉ်တွင် ပွဲအစ ၁၇ မိနစ်အတွင်းမှာပင် ၃ ဂိုးပေးခဲ့ရပြီးနောက် လူစားလဲလှယ်ခြင်းခံခဲ့ရကာ စပါးစ်တွင် အနိမ့်အမြင့်အတက်အကျများနှင့် ရင်ဆိုင်ခဲ့ရသူလည်း ဖြစ်ပါတယ်။
ဒါပေမဲ့ သူဟာ ရောဘတ်တိုဒီဇာဘီလက်ထက်တွင် ပရီးမီးယားလိဂ်ရာသီသိမ်းပွဲ ၇ ပွဲတွင် ပွဲထွက်ဂိုးသမားအဖြစ် ကစားကာ ပရီးမီးယားလိဂ်မှ တန်းမဆင်းရအောင် ကူညီပေးနိုင်ခဲ့ပါတယ်။
စပါးစ်ဟာ ၂၀၂၅ ခုနှစ် ဇန်နဝါရီလတုန်းက ချက်ကလပ် ဆလားဗီးယားပရက်မှ ပေါင် ၁၂.၅ သန်းဖြင့် ကင်စကီးကို ခေါ်ယူခဲ့တာဖြစ်ပြီး ယခင်စာချုပ်မှာ ၂၀၃၁ ခုနှစ်အထိ ဖြစ်ပါတယ်။
သူဟာ မတ်လတုန်းက အက်သလက်တီကိုနှင့်ပွဲတွင် ပွဲအစပိုင်းမှာပင် ဆိုးရွားတဲ့အမှား ၂ ကြိမ်ပြုလုပ်ပြီး ဂိုးပေးခဲ့ရတာ ဖြစ်ပြီဂ ၅-၂ ဖြင့် ရှုံးနိမ့်ခဲ့ပါတယ်။
သူဟာ ယာယီနည်းပြအိုင်ဂေါ်ကျူဒေါ်ရဲ့ ဗီကာရီယိုနှင့် လူစားလဲလှယ်ခြင်းခံခဲ့ရပါတယ်။
စပါးစ်ဟာ ကင်စကီးကို ဘယ်နှစ်အထိ စာချုပ်သစ်ချုပ်ဆိုသလဲဆိုတာ ကြေညာသွားခဲ့ခြင်း မရှိပါဘူး။
