အဲဗာတန်သို့ အပြီးသတ် ပြောင်းရွှေ့ရန် ချဲလ်ဆီးရဲ့ဂျော့ နီးစပ်နေ
===================
အဲဗာတန်ဟာ ချဲလ်ဆီးမှ အငှားဖြင့် လာရောက်ကစားခဲ့တဲ့ တောင်ပံကစားသမားတိုင်ရီကေးဂျော့ကို အပြီးသတ်ခေါ်ယူရေး နီးစပ်နေပြီ ဖြစ်ပါတယ်။
အသက် ၂၀ နှစ်ရှိ တောင်ပံကစားသမားဟာ ပြီးခဲ့တဲ့ရာသီဝက်တုန်းက ပေါင် ၂၅ သန်းဖြင့် အပြီးသတ်ခေါ်ယူနိုင်မဲ့အချက်ဖြင့် အငှားဖြင့် လာရောက်ကစားခဲ့တာလည်း ဖြစ်ပါတယ်။
ဒါပေမဲ့ အဲဗာတန်ဟာ ပြောင်းရွှေ့ကြေးကို ထပ်ဆောင်းကြေးဖြင့် ပြန်လည်ဆွေးနွေးညှိနှိုင်းမှု ပြုလုပ်ခဲ့နိုင်ခဲ့ပါတယ်။
ဂျော့ဟာ အဲဗာတန်တွင် လေးလတာ အငှားဖြင့် ကစားစဉ်အတွင်း ၁၁ ပွဲတည်းသာ ကစားခဲ့ပေမဲ့လည်း ဒေးဗစ်မိုယက်စ်ရဲ့ ယုံကြည်ရရှိအောင် လုပ်ဆောင်နိုင်ခဲ့ပါတယ်။
အဲဗာတန်ဟာ ဂျော့အား ခေါ်ယူရေး နီးစပ်နေသလို မစ်ဒယ်ဘရော့အလယ်တန်းကစားသမားဟေဒန်ဟက်နေးကိုလည်း ပေါင် ၁၆ သန်းဖြင့် ခေါ်ယူရေး အပြီးသတ်လုပ်ဆောင်နေပါတယ်။
ဒါ့အပြင် အဲဗာတန်ဟာ ပြီးခဲ့တဲ့ရာသီတုန်းက ဖရိုင်းဘတ်မှ အငှားဖြင့် လာရောက်ကစားခဲ့တဲ့ အလယ်တန်းတိုက်စစ်သမားမာလင်းရိုလ်ကိုလည်း အပြီးသတ်ခေါ်ယူရေး လုပ်ဆောင်နေပါတယ်။
အဲဗာတန်ဟာ စာချုပ်သက်တမ်းကုန်ဆုံးသွားပြီဖြစ်တဲ့ ဆီးမပ်စ်ကိုးလ်မန်းနှင့် အိုင်ဒရက်စ်ဆာဂါနာဂူယီတို့ကို ထွက်ခွာခွင့်ပေးထားပါတယ်။
